பிரிம் உதவித் தொகை பற்றி மகாதிரின் மகன் மொக்ஸானி தெரிவித்திருந்த கருத்துக்காக பராமரிப்பு பிரதமர் நஜிப் அவரை கடுமையாகச் சாடினார்.
அவருக்கு பிரிம் நிதி உதவி ஒரு பெரிதாக இருக்காது, ஏனென்றால் அவரது தகப்பனார் பிரதமராக இருக்கையில் பல பில்லியன்கள் மதிப்புடைய பெட்ரோனாஸ் குத்தகைகளைப் பெற்றிருக்கிறார் என்று நஜிப் தெரிவித்தார்.
“அவர் பணக்காரர். இருக்கட்டும். ஆனால் ஏழைகளை அவமதிக்கக்கூடாது. அவர்களுக்கு உதவி தேவைப்படுகிறது. பாரிசான் அரசு அவர்களுக்கு உதவுகிறது ஏனென்றால் நாங்கள் மக்களுக்கு முன்னுரிமை அளிக்கிறோம்”, என்று மேலும் கூறினார்.
மகாதிரின் பிள்ளைகள் பணக்காரர்களாக இருப்பதற்கு காரணம் மகாதிர் அளித்த ஆதரவுதான் என்று மகாதிர் குறைகூறப்பட்டுள்ளார்.
ஆனால், அக்குற்றச்சாட்டுகளை மகாதிர் மறுத்துள்ளார்.
