நேற்றிரவு வாக்களிப்பு நாளுக்கு முன்னதாக ஆற்றிய உரையில் பல நற்செய்திகளைச் சொன்ன பராமரிப்புப் பிரதமர் நஜிப் அப்துல் ரசாக் பணத்துக்கு என்ன செய்யப் போகிறார் எனக் கேள்வி எழுப்பினார் ஹரப்பான் தலைவர் டாக்டர் மகாதிர் முகம்மட்.
“மனத்தை மகிழ வைக்கும் திட்டங்களை அறிவித்துள்ளார், வரிகளைக் குறைத்துள்ளார், நிறைய செலவிடப் போகிறார்…..இதற்கெல்லாம் பணம் எங்கிருந்து வரும்?
“வரி வசூலிக்கவில்லை ஆனால் நிறைய செலவிட விரும்புகிறார்…….கடன் வாங்கப் போகிறாரா அல்லது நாட்டை விற்கப் போகிறாரா?”, என்று மகாதிர் செய்தியாளர்களிடம் வினவினார்.
நேற்றிரவு நஜிப் ஆற்றிய சிறப்புத் தேர்தல் உரை குறித்துக் கருத்துக் கேட்கப்பட்டதற்கு மகாதிர் இவ்வாறு கூறினார்.
