இந்தோனேசியாவில் போதைப்பொருள் கடத்தலுக்கு மரண தண்டனை அல்லது ஆயுள் சிறைத் தண்டனை விதிக்கப்படலாம். இருப்பினும், பல ஆண்டுகளாக மரண தண்டனையை நிறைவேற்றுவதில் தற்காலிக நிறுத்தம் அமலில் உள்ளது.

இந்தோனேசிய காவல்துறையின் போதைப்பொருள் தடுப்பு பிரிவின் மூத்த அதிகாரியான அவாலுடின் அமின் கூறுகையில், அந்த விமானி ஏற்கனவே அவர்களின் கண்காணிப்பில் இருந்தார். ஏனெனில், அவர் மூன்றாவது முறையாக நாட்டிற்குள் போதைப்பொருட்களை கடத்த முயன்றதாகத் தெரிவித்தார்.

இந்தோனேசிய காவல்துறையின் சந்தேகப்படி, செவ்வாய்க்கிழமை ஜகார்த்தாவில் கைது செய்யப்பட்ட மலேசிய விமானி ஒரு சர்வதேச போதைப்பொருள் கடத்தல் கும்பலின் உறுப்பினராக இருந்திருக்கலாம்.

இந்தோனேசிய காவல்துறையின் போதைப்பொருள் தடுப்பு பிரிவின் மூத்த அதிகாரி அவாலுதின் அமின் கூறுகையில், 39 வயதுடைய அந்த நபர் ஏற்கனவே அதிகாரிகளின் கண்காணிப்பில் இருந்தார்.

மேலும், அவர் இதற்கு முன்பும் இரண்டு முறை இந்தோனேசியாவிற்குள் போதைப்பொருளை கடத்தியதாக சந்தேகிக்கப்படுகிறார் என்று அவாலுதின் தெரிவித்தார்.

இந்த வழக்கில் குற்றம் நிரூபிக்கப்பட்டால், அந்த மலேசிய நபருக்கு மரண தண்டனை அல்லது ஆயுள் தண்டனை விதிக்கப்படலாம்.

சோஎகார்னோ-ஹட்டா (Soekarno-Hatta) விமான நிலையத்தின் டெர்மினல் 3-ல் சந்தேகத்திற்கிடமான ஒரு சூட்கேஸை பெற்றுக்கொண்டபோது அவர் கைது செய்யப்பட்டார். அந்த சூட்கேஸில் 70,114 எக்ஸ்டசி (Ecstasy) மாத்திரைகளும், 2.7 கிராம் மெத்தாம்பெட்டமைன் (Methamphetamine) போதைப்பொருளும் இருந்ததாக அதிகாரிகள் தெரிவித்தனர்.

அதிகாரிகளின் கூற்றுப்படி, அவர் தாம் ஒரு “போதைப்பொருள் கடத்தல் தூதுவர்” (drug mule) என்பதை ஒப்புக்கொண்டார். அண்டை நாட்டைச் சேர்ந்த ஒரு போதைப்பொருள் கடத்தல் கும்பல் தலைவன், ஜகார்த்தாவிற்கு இந்த போதைப்பொருட்களை கடத்தினால் அதற்காக ரிம 50,000 வழங்கப்படும் என்று கூறியிருந்ததாகவும் அவர் தெரிவித்தார்.

அந்த விமானியின் உடலில் மேற்கொள்ளப்பட்ட பரிசோதனையில், மெத்தாம்பெட்டமைன், எக்ஸ்டசி மற்றும் கோகைன் (Cocaine) பயன்படுத்தியிருப்பது உறுதி செய்யப்பட்டது.

அவர் கோலாலம்பூரிலிருந்து ஜகார்த்தாவிற்கு புறப்பட்ட மலேசியன் ஏர்லைன்ஸ் (Malaysia Airlines) விமானம் MH727-ல் பயணம் செய்திருந்தார். இந்த சம்பவம் தொடர்பாக சம்பந்தப்பட்ட அதிகாரிகளுக்கு முழுமையான ஒத்துழைப்பை வழங்குவதாகவும், உள்நாட்டு விசாரணை நடத்தி வருவதாகவும் விமான நிறுவனம் தெரிவித்துள்ளது.

இந்தோனேசியாவின் போதைப்பொருள் சட்டங்களின்படி, போதைப்பொருள் கடத்தல் குற்றத்திற்கு மரண தண்டனை வழங்கப்படலாம். இருப்பினும், கடந்த சில ஆண்டுகளாக மரண தண்டனைகள் நிறைவேற்றப்படாமல் உள்ளன. அதேவேளை, வெளிநாட்டவர்களும் உட்பட நூற்றுக்கணக்கான போதைப்பொருள் குற்றவாளிகள் இன்னும் மரண தண்டனை கைதிகளாக உள்ளனர்.

இந்தோனேசியாவில் கடைசியாக 2016-ஆம் ஆண்டு மரண தண்டனை நிறைவேற்றப்பட்டது. அப்போது, போதைப்பொருள் குற்றங்களில் தண்டனை பெற்ற ஒரு இந்தோனேசியரும் மூன்று நைஜீரியர்களும் துப்பாக்கிச் சூட்டின் மூலம் தூக்கிலிடப்பட்டனர்.

இந்த ஆண்டு மார்ச் மாதத்தில், பாலி தீவுக்குள் கோகைன் கடத்திய குற்றச்சாட்டில் குற்றவாளிகளாக நிரூபிக்கப்பட்ட இரண்டு பிரிட்டிஷ் ஆண்களுக்கு முறையே 9 ஆண்டுகள் மற்றும் 11 ஆண்டுகள் சிறைத் தண்டனை விதிக்கப்பட்டது.