அடுத்த ஆறு மாதங்களில் மலேசியா சுமார் 2,00,000 வங்காளதேச தொழிலாளர்களை வேலைக்கு அமர்த்தும் என்ற தகவலை புத்ராஜெயா நிராகரித்துள்ளது. இந்தத் தகவல் ஒரு இளநிலை அமைச்சரால் கூறப்பட்டது என்றும், இது வங்காளதேச அரசாங்கத்தின் அதிகாரப்பூர்வ நிலைப்பாட்டை பிரதிபலிக்கவில்லை என்றும் அரசாங்க செய்தித் தொடர்பாளரும், தகவல் தொடர்பு அமைச்சருமான ஃபாமி பட்சில் தெரிவித்துள்ளார்.

இன்று நடைபெற்ற அமைச்சரவைக் கூட்டத்திற்குப் பிறகு செய்தியாளர் சந்திப்பில் பேசிய அவர், “இது குறித்து நான் மனிதவள அமைச்சரிடம் பேசினேன். இந்த அறிக்கை ஒரு இளநிலை அமைச்சரால் வெளியிடப்பட்டது என்பதை நான் புரிந்துகொண்டேன், என்று கூறினார்.

வங்காளதேசத்திற்கான மலேசிய தூதர் சுஹாதா ஒத்மான், அங்குள்ள உள்ளாட்சி, ஊரக வளர்ச்சி மற்றும் கூட்டுறவுத்துறை அமைச்சர் அப்துல் முயீன் கானைச் சந்தித்த பிறகு, மிர் ஷாஹே ஆலம் செய்தியாளர்களிடம் இந்தத் தகவலைத் தெரிவித்தார்.

தனியாக, மியான்மர் அகதிகள் மீண்டும் திரும்புவதற்கு அங்கு இன்னும் பாதுகாப்பற்ற சூழலே நிலவுவதாக ஐநா அகதிகள் முகமை (UNHCR) தெரிவித்துள்ள கவலைகளுக்கும் ஃபஹ்மி பதிலளித்துள்ளார்.

தன்னார்வ தாயகம் திரும்புதல் திட்டத்தின் முதல் கட்டத்தில் உள்ள 1,476 அகதிகள், தாங்கள் மியான்மருக்கு விருப்பத்துடன்தான் திரும்புகிறோம் என்று ஆவணங்களில் கையெழுத்திட்டுள்ளதாக வெளியுறவு அமைச்சர் முகமட் ஹசனை மேற்கோள் காட்டி அவர் கூறினார்.

குடியேற்றத் துறையால் தடுத்து வைக்கப்பட்டிருந்த 10,000-க்கும் மேற்பட்ட மியான்மர் அகதிகளில், 5,000 பேர் உள்நாட்டு அமைச்சகத்தால் பரிசீலிக்கப்பட்டு, அவர்களின் பெயர்கள் மியான்மர் தூதரகத்திற்கு அனுப்பப்பட்டன. அந்தப் பட்டியலிலிருந்து, 1,476 அகதிகள் திரும்ப வருவதற்கு மியான்மர் அரசாங்கம் ஒப்புக்கொண்டது.

விஸ்மா புத்ரா (மலேசிய வெளியுறவு அமைச்சகம்), குறிப்பாக வெளியுறவு அமைச்சர், அகதிகளுக்கு எதுவும் நேராது என்றும், அவர்கள் மியான்மரில் பாதுகாப்பாக இருப்பார்கள் என்றும் தெரிவித்துள்ளனர், என்று அவர் கூறினார்.

நேற்று, மியான்மர் முழுவதும் தொடர்ந்து நடைபெற்று வரும் ஆயுதமேந்திய மோதல்கள் மற்றும் வன்முறைகள் காரணமாக, அகதிகள் பாதுகாப்பான, கண்ணியமான மற்றும் நிலையான முறையில் தன்னார்வமாக தாயகம் திரும்புவதற்கான சூழல் இல்லை என்று ஐநா அகதிகள் முகமை (UNHCR) தெரிவித்துள்ளது.

 

 

 

-fmt