டிஏபி, ஜனவரி முதல் நாள் இரவு மணி எட்டுக்கு கோலாலலும்பூர் சிலாங்கூர் சீன அசெம்ளி மண்டபத்தில் அதன் அதிகாரப்பூர்வ புத்தாண்டுக் கொண்டாட்ட விழாவில் ‘Ubah ராக்கெட் ஸ்டைல்’ காணொளியையும் வெளியிடும்.
அக்காணொளி மலாய், மெண்டரின், ஆங்கிலம், தமிழ் ஆகிய நான்கு மொழிகளிலும் வெளியீடு செய்யப்படுவதாகக் கட்சியின் விளம்பரப் பிரிவு செயலாளர் டோனி புவா கூறினார்.
பிஎன்னைப் பகடி செய்து ‘கங்னாம் ஸ்டைல்’பாணியில் தயாரிக்கப்பட்ட அக்காணொளி முதன்முதலில் டிஏபியின் ஆண்டுக்கூட்டத்தில் காண்பிக்கப்பட்டது. ஆனால், டிஏபி ஆண்டுக்கூட்டத்தில் திரையிடப்பட்ட காணொளி சுருக்கமானது இது கூடுதல் காட்சிகளைக் கொண்டிருக்கும் என்றும் புவா சொன்னார்.
விழாவில், நடனங்களும் உண்டு என்று புவா கூறினார்.
டிஏபி தலைமைச் செயலாளர் லிம் குவான் எங், டிஏபி சோசலிச இளைஞர் பகுதித் தலைவர் தியோ கொக் சியோங், பிகேஆர் உதவித் தலைவர் நுருல் இஸ்ஸா அன்வார் முதலியோரும் உரையாற்றுவார்கள்.
