ஹிண்ட்ராப் என்ற இந்து உரிமைகள் நடவடிக்கைகள் குழு அமைப்பைத் தோற்றுவித்த தலைவரான பி  உதயகுமார் தலைமையில் இயங்கும் ஹிண்டராப் பிரிவு அவரது இளைய சகோதரரும் பிரிந்து சென்ற நடப்பு  ஹிண்ட்ராப் பிரிவின் ‘தலைவருமான’ பி வேதமூர்த்தியை அந்த அமைப்பிலிருந்து ‘நீக்கியுள்ளது’.

ஏப்ரல் 25ம் தேதி நடைபெற்ற ஹிண்ட்ராப் உச்ச மன்றக் கூட்டத்தில் அந்த முடிவு எடுக்கப்பட்டதாக
உதயகுமார் இன்று கோலாலம்பூரில் நிருபர்களிடம் கூறினார்.

இப்போது பிஎன் -னுக்கு ஆதரவு தெரிவித்துள்ள தமது சகோதரர் அந்த அமைப்பை தம்மிடமிருந்து கடத்தி
விட்டதாக உதயகுமார் இதற்கு முன்னர் கூறியிருந்தார்.

ஆனால் அவர் நீக்கப்பட்டது எந்த விதமான சட்ட ரீதியான தாக்கத்தையும் ஏற்படுத்தாது. ஏனெனில்
வேதமூர்த்தி தலைமையிலான பிரிவுக்கு மார்ச் 8ம் தேதி சங்கப்பதிவதிகாரியிடமிருந்து அதிகாரத்துவ அங்கீகாரம்  கிடைத்துள்ளது.