அமைச்சருடைய வீடு ஒன்றில் நேற்று திருடர்கள் கொள்ளையிட்டுள்ளதை  கோலாலம்பூர் போலீசார் உறுதிப்படுத்தியுள்ளனர்.

அந்த அமைச்சரது பெயரை அவர்கள் வெளியிடவில்லை என்றாலும் அது  இளைஞர், விளையாட்டு அமைச்சர் கைரி ஜமாலுதினுடைய தாயாருக்கு  சொந்தமானது என நம்பப்படுகின்றது.

புக்கிட் டமன்சாராவில் உள்ள அந்த பங்களா வீட்டில் கைரியும் அவரது
மனைவியும் வசித்த போதிலும் திருட்டுச் சம்பவம் நிகழ்ந்த போது அவர்கள்  அங்கு இல்லை என்றும் தெரிகிறது.

மாலை மணி 5.30 வாக்கில் அந்தச் சம்பவம் நிகழ்ந்ததாக கோலாலம்பூர் ஒசிபிடி  கூ சின் வா கூறினார்.

பல மடிக்கணினிகளையும் கடிகாரங்களையும் திருடர்கள் கொள்ளையடித்துச்  சென்றுள்ளதாக அவர் சொன்னார்.

மொத்த இழப்பு குறித்து இன்னும் புலனாய்வு செய்யப்படுவதாகவும் கூ
தெரிவித்தார்.