தன்மூப்பாக குழந்தைகளை இஸ்லாத்துக்கு மதமாற்றம் செய்வதன் தொடர்பில் எழுந்துள்ள குழப்பத்துக்கு முடிவுகாண வேண்டுமானால் அரசாங்கம் கூட்டரசு அரசமைப்பில்  திருத்தம் செய்ய வேண்டும்  என்று டிஏபி தேசிய தலைவர் கர்பால் சிங் கூறுகிறார்.

அப்படிச் செய்வதற்கு டிஏபி-இன் 38 எம்பிகளும் அதற்கு ஆதரவளிப்பர் என இன்று நாடாளுமன்ற வளாகத்தில் அவர் கூறினார்.

அரசமைப்பில் திருத்தம் செய்ய நாடாளுமன்றத்தில் மூன்றில் இரண்டு பங்கு பெரும்பான்மை தேவைப்படும் என்று கூறிய கர்பால் இவ்விசயத்தில் பிஎன் டிஏபி-இன் ஆதரவை நம்பி இருக்கலாம் என்றார்.