ஸ்ரீ பிரிஸ்டினா தேசியப் பள்ளியில் உள்ள முஸ்லிம் அல்லாத மாணவர்களை  மிரட்டுவதை பள்ளி அதிகாரிகள் நிறுத்திக் கொள்ள வேண்டும் என மசீச கேட்டுக்  கொண்டுள்ளது.

பள்ளிக்கூடத்தில் பெற்றோருடைய அனுமதி இல்லாமால் பிள்ளைகளை போலீசார்  விசாரிப்பதற்கு அனுமதித்ததாக கூறப்படுவது உட்பட பெற்றோர்கள் சொல்லும்  விஷயங்கள் உண்மை என்றால் சம்பந்தப்பட்ட போலீஸ்காரர்களை விசாரிக்க  புக்கிட் அமான் தலையிட வேண்டும் என மசீச பிரச்சாரப் பிரிவுத் தலைவர் ஹெங்
சியா கீ சொன்னார்.

அந்தப் பள்ளிக்கூடத்தில் நிலைமை மேலும் கடுமையாவதற்கு முன்னர் கல்வி  அமைச்சு தலையிட்டு நிலவரத்தைக் கவனிக்க வேண்டும் என்றும் அவர் ஒர் அறிக்கையில்  வலியுறுத்தினார்.