பதிவுசெய்யப்படாத அகதிகள் இன்னும் அதிகமாக உள்ளதாக அதிகாரிகள் நம்புவதால், அவர்கள் இனி அந்த அமைப்பின் தரவுகளை முழுமையாக நம்புவதில்லை என்று சகாரியா ஷாபான் கூறுகிறார்.

அகதிகளைப் பதிவு செய்யும் அரசாங்கத்தின் முதற்கட்ட நடவடிக்கை இந்த வருட இறுதிவரை நீடிக்கும் என குடிவரவுத் துறை இயக்குநர் ஜெனரல் ஜகாரியா ஷாபான் கூறியுள்ளார்.

மலேசியாவில் உள்ள அகதிகளின் உண்மையான எண்ணிக்கை, ஐநா அகதிகள் முகமையால் (UNHCR) பதிவு செய்யப்பட்டுள்ள 215,600 அகதிகள் மற்றும் புகலிடம் கோருவோரின் எண்ணிக்கையை விட மிக அதிகம் என்று குடிவரவுத்துறை தலைமை இயக்குநர் ஜகாரியா ஷாபான் இன்று தெரிவித்துள்ளார்.

பல அகதிகள் இன்னும் இந்த முகமையில் பதிவு செய்யப்படாமல் இருக்கிறார்கள் என்று நம்புவதால், அதிகாரிகள் இனி UNHCR தரவை முழுமையாக நம்பியிருக்க மாட்டார்கள் என்று அவர் கூறினார்.

“எனவே, அவர்களிடம் UNHCR அட்டைகள் இருந்தாலும் இல்லாவிட்டாலும், நாட்டில் உள்ள அனைத்து அகதிகளையும் பதிவு செய்ய நாங்கள் பணியாற்றி வருகிறோம்,” என்று அவர் கூறியதாக கோஸ்மோ (Kosmo) செய்தி வெளியிட்டுள்ளது.

தேசிய பாதுகாப்பு கவுன்சில் மூலம் அரசாங்கத்தால் நிர்வகிக்கப்படும் அகதிகள் பதிவின் முதல் கட்ட நடவடிக்கை இந்த ஆண்டின் இறுதி வரை தொடரும் என்று ஜகாரியா கூறினார்.

UNHCR இணையதளத்தின்படி, பிப்ரவரி இறுதி நிலவரப்படி மலேசியாவில் UNHCR-இல் பதிவு செய்யப்பட்ட அகதிகள் மற்றும் புகலிடம் கோருவோர் சுமார் 215,600 பேர் உள்ளனர்.

அவர்களில் 126,144 ரோஹிங்கியாக்கள் உட்பட சுமார் 193,824 பேர் மியான்மரைச் சேர்ந்தவர்கள் ஆவர்.

எஞ்சியவர்கள் பாகிஸ்தான், ஏமன், சோமாலியா, ஆப்கானிஸ்தான், சிரியா, இலங்கை, பாலஸ்தீனம் மற்றும் ஈராக் போன்ற நாடுகளைச் சேர்ந்தவர்கள்.