சமூக வருகை அனுமதிச் சீட்டுகளில் நாட்டிற்குள் நுழைந்து, வணிக நடவடிக்கைகளில் ஈடுபடும் சுற்றுலாப் பயணிகள் மீது நடவடிக்கை எடுக்கப்பட வேண்டும் என்று உள்துறை அமைச்சர் தெரிவித்துள்ளார்.

உள்நாட்டு விவகாரங்கள் துறை அமைச்சர் சைஃபுதீன் நசுசியோன் இஸ்மாயில், சாந்தகான் அருகே உள்ள புலாவ் பக்குங்கான் கெச்சில் தீவில் இன்று பாதுகாப்புப் படையினரால் பயன்படுத்தப்படும் ஆயுதங்களைப் பார்வையிட்டார்.

சபாவில், குறிப்பாக செம்போர்னாவில் (Semporna), சமூக வருகைக்கான அனுமதிச் சீட்டுகளைத் (social visit passes) தவறாகப் பயன்படுத்தி சட்டவிரோதப் பொருளாதார நடவடிக்கைகளில் ஈடுபடும் வெளிநாட்டுச் சுற்றுலாப் பயணிகளுக்கு எதிரான அமலாக்க நடவடிக்கைகளை அரசாங்கம் தீவிரப்படுத்தி வருகிறது.

வெளிநாட்டுப் பயணிகள் சுற்றுலாப் பயணிகளாக நாட்டிற்குள் நுழைந்து, பின்னர் உள்ளூர்வாசிகளுடன் இணைந்து விடுதி (resort) சேவைகளைச் சொந்தமாக வைப்பது அல்லது இயக்குவது உள்ளிட்ட வணிக நடவடிக்கைகளில் ஈடுபடும் சம்பவங்களைக் அதிகாரிகள் கண்டறிந்துள்ளதாக உள்துறை அமைச்சர் சைஃபுதீன் நசுசியோன் இஸ்மாயில் (Saifuddin Nasution Ismail) தெரிவித்ததாக பெர்னாமா (Bernama) செய்தி வெளியிட்டுள்ளது.

கிழக்கு சபா பாதுகாப்பு மண்டலம் (Esscom) உட்பட தனது அமைச்சகத்தின் கீழ் உள்ள முகமைகள், உள்ளூர் அதிகாரிகளுடன் இணைந்து கூட்டு அமலாக்க நடவடிக்கைகளை மேற்கொள்ளுமாறு உத்தரவிட்டுள்ளதாக அவர் கூறினார்.

“எங்கள் நாடு பார்வையாளர்களை வரவேற்கும் அதே வேளையில், அவர்கள் எங்கள் சட்டங்களுக்குக் கீழ்ப்படிய வேண்டும் என்ற தெளிவான செய்தியை நாங்கள் தெரிவிக்க விரும்புகிறோம். அவர்கள் சுற்றுலாப் பயணிகளாக நுழைந்து வணிக நடவடிக்கைகளில் ஈடுபட்டு, அந்தக் குற்றத்தை நாங்கள் கண்டறிந்தால், நிச்சயமாக நடவடிக்கை எடுப்போம்,” என்று அவர் இன்று சாந்தகானில் (Sandakan) கூறினார்.

முன்னதாக, சைஃபுதீன் வெளிநாட்டுப் பிரதிநிதிகள் குழுவுடன் இணைந்து பாதுகாப்பு ஏற்பாடுகளைப் பார்வையிட கிழக்கு சபா பாதுகாப்பு மண்டலத்திற்குட்பட்ட பல தீவுகளுக்குச் சென்றார். எஸ்ஸாகாம் (Esscom) தளபதி விக்டர் சான்ஜோஸ் மற்றும் அதன் தலைமை நிர்வாக அதிகாரி ஜமாலுதீன் அலி ஆகியோரும் உடன் இருந்தனர்.

செம்போர்னாவின் சுற்றுலாப் பொருளாதாரச் சங்கிலியின் சில பகுதிகளை வெளிநாட்டு முதலீட்டாளர்கள் சட்டவிரோதமாகத் தங்கள் கட்டுப்பாட்டுக்குள் கொண்டுவந்துள்ளதாகவும், இது உள்ளூர் சமூகங்களுக்குப் பாதுகாப்பிற்கும் பொருளாதாரத்திற்கும் அச்சுறுத்தலாக உள்ளது என்றும் முன்னதாக ஒரு செய்தி அறிக்கையில் சுட்டிக்காட்டப்பட்டிருந்தது.

கிழக்கு சபா பாதுகாப்பு மண்டலத்தின் பாதுகாப்பு நிலைமை மற்றும் சுற்றுலா சாத்தியக்கூறுகள் குறித்து சர்வதேச அளவில் நம்பிக்கை இன்னும் அதிகமாகவே உள்ளது என்று சைஃபுதீன் கூறினார்.

ஜூன் மாதம் வரை கிழக்கு சபா பாதுகாப்பு மண்டலம் 129,492 சுற்றுலாப் பயணிகளின் வருகையைப் பதிவு செய்துள்ளதாக அவர் தெரிவித்தார்.

“சர்வதேச சமூகம் இங்குள்ள பாதுகாப்பு மற்றும் சுற்றுலா சாத்தியக்கூறுகள் மீது நம்பிக்கை வைத்துள்ளது என்று நான் நம்புகிறேன்.”