சிலாங்கூர் மந்திரி புசார் பதவியிலிருந்து விலக மறுத்ததற்காக பிகேஆர் அப்துல் காலிட் இப்ராகிம்மை கட்சியிலிருந்து நீக்கியுள்ளது.

இம்முடிவு பக்கத்தானின் பங்காளி கட்சி பாஸுடனான உறவைப் பாதிக்கும் என்று கூறப்படுகிறது.

கட்சியின் ஒழுங்குமுறை வாரியத்தின் தலைவர் டான் கீ குவோங் இந்த முடிவை அறிவித்தார். அவ்வாரியத்தின் கூட்டம் இன்று பிற்பகல் மணி 3.00 க்கு பிகேஆர் பெட்டாலிங் ஜெயா தலைமையகத்தில் கூடி கிட்டத்தட்ட மூன்று மணி நேரத்திற்கு இவ்விவகாரத்தை விவாதித்த பின்னர் இம்முடிவு எடுக்கப்பட்டது.

அக்கட்சியின் தலைமைத்துவ மன்றத்தின் அனைத்து உறுப்பினர்களும் அக்கூட்டத்தில் பங்கேற்றனர், காலிட் இப்ராகிம்மை தவிர.

“நாங்கள் செய்த வேண்டியதை முறைப்படி செய்துள்ளோம். கட்சி சுமுத்தியுள்ள குற்றச்சாட்டுகளுக்கு பதில் அளிப்பதற்கான சந்தர்ப்பம் அவருக்கு அளிக்கப்பட்டது”, என்று பிகேஆர் மத்திய செயற்குழு உறுப்பினர் ஆர். சிவராசா கூறினார்.