பிகேஆர், டிஏபி  ஆட்சிக்குழு  உறுப்பினர்  ஐவரும் 10-அம்ச அக்கு  ஜஞ்ஜி (உறுதிமொழி)-யை  மீறினார்கள்  என்பதால்தான்  நீக்கப்பட்டதாக  சிலாங்கூர்  மந்திரி புசார்  அப்துல்  காலிட்  இப்ராகிம்  கூறினார்.

“எக்ஸ்கோ  உறுப்பினர்களின்  பதவிநீக்கம்  சட்டப்படி  செய்யப்பட்டது. அதற்கு  சுல்தானின்  ஒப்புதலும்  உண்டு”, என்றவர்  வலியுறுத்தினார்.

“அவர்கள் எக்ஸ்கோ  கூட்டங்களில்  மட்டும்  கலந்துகொண்டு  மாநில  அரசைக்  கண்காணிக்கப் போவதாகவும்  கட்சி  உத்தரவை  மட்டுமே  பின்பற்றப் போவதாகவும்  கூறியுள்ளனர்.

“இது  சுல்தான்  முன்னிலையில்  அவர்கள்  எடுத்துக்கொண்ட   10-அம்ச பதவிஉறுதிமொழியை  மீறுவதாகும்”, என்று  காலிட்  கூறினார்.

எக்ஸ்கோ  உறுப்பினர்களில்  ஒருவரான  ரோட்சியா  இஸ்மாயில் வெளிநாட்டில்  இருக்கிறார்  என்பதால்  அவர்  நீக்கப்படவில்லை  என்றும்  மந்திரி  புசார்  தெரிவித்தார்.