இஸ்லாத்தைப்  பாதுகாக்கும்  நோக்கில்தான்  பைபிளைத்  தீயிட்டுக்  கொளுத்தப்போவதாக  மிரட்டினார்  என   பெர்காசா  தலைவர்  இப்ராகிமை  அதிகாரிகள்  தற்காத்திருப்பதை  எதிரணித்  தலைவர்  அன்வார்  இப்ராகிம்  சாடினார்.

“இது  அம்னோவின்  நிலைப்பாடு  அல்லது  அமைச்சரின்  நிலைப்பாடு. (இஸ்லாம்) அதை (பைபிள்  கொளுத்தப்படுவதை)  என்றும்  ஆதரித்ததில்லை.

“நான்  அறிந்தவரை  இஸ்லாம் சமய  நம்பிக்கைகளை, சமய  நூல்களை  மதிக்க  வேண்டும்  என்றுதான்  கூறுகிறது”, என  அன்வார்  நாடாளுமன்ற வளாகத்தில்  செய்தியாளர்களிடம்  தெரிவித்தார்.

இப்ராகிமுக்கு  சமய  இணக்கத்தைக்  கெடுக்கும்  நோக்கமில்லை,  இஸ்லாத்தைப்  பாதுகாக்கும்  நோக்கில்தான்  அப்படிச்  சொன்னார்  என்பதால்  அவர்மீது  சட்ட  நடவடிக்கை  எடுக்கப்படாது  என்று  பிரதமர்துறை  அமைச்சர்  நன்சி  ஷுக்ரி  எழுத்து  வடிவில்  தெரிவித்த  பதில்  குறித்து  கருத்துரைத்த  அன்வார்  இவ்வாறு  கூறினார்.