மலேசிய  விமான  நிறுவனத்துக்கு(எம்ஏஎஸ்)  ஏற்பட்ட  இரண்டு  பேரிடர்களிலும்  சம்பந்தப்பட்ட  விமானங்கள்  7 என்ற  எண்ணைக் கொண்டிருந்ததால்- ஒன்று எம்எச்370, இன்னொன்று  எம்எச்17-  7-எண்  அதிர்ஷ்டமில்லாத  எண்போல்  தெரிவதாக  பிஎன்  எம்பி  ஒருவர்  இன்று  நாடாளுமன்றத்தில்  கூறினார்.

அதனால்  7-ஆம் எண்ணை  எம்ஏஎஸ்  விமானங்களுக்குப்  பயன்படுத்தாமல்  இருப்பது  பற்றி  அரசாங்கம்  ஆராயுமா  என்று  தெரிந்து  கொள்ள ஜுமாட்  இட்ரிஸ்(பிஎன் -செபாங்கார்)  விரும்பினார்.

அப்போது  பேசிக்கொண்டிருந்த  சுற்றுலா  அமைச்சர்  முகம்மட்  நஸ்ரி  அப்துல்  அசீஸ், அது  போக்குவரத்து  அமைச்சு  சம்பந்தப்பட்ட  விவகாரம்  என்பதால்  அதனிடம்தான்  அதைக்  கேட்க  வேண்டும்  என்றார்.