உள்நாட்டுப் பாதுகாப்புச் சட்டம்  இரத்துச்  செய்யப்பட்டாலும்  அதன்  சாரம்  தேச  நிந்தனைச்  சட்டத்தில்  தொடர்ந்து  வாழ  வேண்டும் என பெர்காசா  விரும்புகிறது.

அந்த  வகையில், தேச  நிந்தனைச் சட்டம்  வலுப்படுத்தப்படும்போது  விசாரணையின்றி  காவலில் வைப்பதும்  அதில்  சேர்த்துக்கொள்ளப்பட  வேண்டும்  என  அதன்  தலைவர்  இப்ராகிம்  அலி  விரும்புகிறார்.

இது, பாதுகாப்புப் படைகள்  நாட்டைக் காக்க  நல்ல  கருவியாக  விளங்கும்.

இஸ்லாத்தையும்  மற்ற  சமயங்களையும்  பாதுகாக்க  தேச  நிந்தனைச்  சட்டத்தை  வலுப்படுத்தும்போது  தண்டனைகளையும்  கடுமையாக்க  வேண்டும்  என்றவர்  கேட்டுக்கொண்டார். ஐந்தாண்டுக் குறையாத  சிறைத்  தண்டனையுடன்  இரண்டு  பிரம்படிகளையும்  சேர்த்துகொள்ள வேண்டும்  என்றாரவர்.