அரசியல்  கட்சிகளில்  ஊழல்  மலிந்து  வருவதாகச்  சொல்லி  வருத்தப்படும்  டாக்டர்  மகாதிர்  முகம்மட்,  இப்போது பணம்  பண்ணுவதில்தான்  குறியாக  இருக்கிறார்கள்  என்றார்.

அரசியல்  என்றால்  நல்ல  நோக்கங்களுக்காக   போராடுவது  என்பதெல்லாம்  இப்போதெல்லாம்  கிடையாது  என்று  கூறிய  முன்னாள்  பிரதமர், குத்தகையைப்  பெறுவதிலும்  மற்றவற்றிலும்தான்  முனைப்புக்  காட்டுகிறார்கள்  என்றார்.

“என்னுடைய  காலத்திலும்  ஊழல்  இருந்தது. ஊழல்  அரசாங்கம், தனியார்  துறை  என  எல்லா  இடங்களிலுமே  உள்ளது.

“ஆனால், அண்மைக்  காலமாக  அரசியல்  கட்சிகள்  ஊழல் மிக்கவையாக  மாறிவிட்டன. அரசியல்வாதியானால் அல்லது  ஒரு  அரசியல்  கட்சி,  அதுவும்  ஆளும்  கட்சித்  தலைவரானால்  பணம்  பண்ண  நிறைய  வாய்ப்புகள்  உண்டு என்ற  நினைப்புத்தான்  இதற்குக்  காரணமாகும்”, என  சினார்  ஹரியானிடம்  மகாதிர்  கூறினார்.