இராக்கின் வடபகுதியில், சிஞ்ஞார் மலையில் ஒரு மாதகாலமாக இஸ்லாமிய தீவிரவாதிகளால் மேற்கொள்ளப்பட்டிருந்த முற்றுகையை தகர்த்ததற்காக தனது போராளிகளுக்கு வாழ்த்துக் கூற இராக்கிய குர்து இனத் தலைவர் மசூத் பர்ஷானி அங்கு சென்றிருக்கிறார்.

அந்த மலையில் தஞ்சம் அடைந்திருந்த ஆயிரக்கணக்கான யஸ்டி சிறுபான்மையினரை மீட்பதற்கான அந்த தாக்குதலை குர்து பெஷ்மேர்கா போராளிகள் கடந்த வாரம் ஆரம்பித்திருந்தனர்.

அந்த யஸ்டி இன மக்களுக்கான முதலாவது உதவி வாகனத் தொடரணி தற்போது அங்கு சென்றடைந்திருக்கிறது.

கடந்த கோடை காலத்தில் இஸ்லாமிய அரசு தீவிரவாதிகளால் கைப்பற்றப்பட்ட அந்த மலையின் கீழ் இருக்கும் சிஞ்ஞார் நகரை மீட்பதற்கான நடவடிக்கைகளை தமது போராளிகள் தற்போது தீவிரப்படுத்தியுள்ளதாக பர்ஷானி கூறியுள்ளார். -BBC