நாட்டில்  வெள்ள  நெருக்கடி  ஏற்பட்டுள்ள  வேளையில் பிரதமர்  நஜிப்  அப்துல்  ரசாக்  ஆண்டு-இறுதி விடுப்பில்  வெளிநாடு  சென்றிருக்காரே  என்ற  கவலை  வேண்டாம்,  நெருக்கடியைத்  தம்மால்  சமாளிக்க  முடியும் “நம்புங்கள்”  என்கிறார்  துணைப்  பிரதமர்  முகைதின் யாசின்.

இன்று  சுபாங்  ஜெயாவில்,  Full Gospel Tebernacle தேவாலயத்தில்  கிறிஸ்மஸ்  வாழ்த்துத்  தெரிவித்துக்கொண்ட  முகைதின்,  ஐந்து  மாநிலங்களில்  வெள்ளப்  பெருக்கு  ஏற்பட்டுள்ளபோது  பிரதமர்  நாட்டில்  இல்லாததைத்  தற்காத்துப்  பேசினார்.

“பிஎம்  கடுமையாக  உழைத்திருக்கிறார். நியாயமாக சொல்லுங்கள்.  அவரும்  மனிதர்தானே”, என்றாரவர்.

“நான்  இருக்கிறேன்.  கவலை வேண்டாம். என்னை  நம்புங்கள்”, என்றும் முகைதின் கேட்டுக்கொண்டார்.