மரண தண்டனை விதிக்கப்பட்டிருக்கும் போலீஸ் கமாண்டோ சிருல் அஸாகர் ஒமார் அல்தான்துயா வழக்கு சம்பந்தமாக புதிய தகவலை வெளியிடும் வரையில் போலீஸ் விசாரணையை மீண்டும் தொடங்கும் எண்ணம் கொண்டிருக்கவில்லை.

“சில தரப்பினர் தூண்டிவிடுகிறார்கள் என்பதற்காக இந்த வழக்கில் புதிய விசாரணையைத் தொடங்குவதற்கான காரணம் ஏதும் இல்லை.

“முதலில் நாங்கள் அவர் (சிருல்) என்ன வெளியிடப் போகிறார் என்பதைப் பார்ப்போம்”, என்று ஐஜிபி காலிட் அபு பாக்கார் இன்று ஒரு செய்தியாலர் கூட்டத்தில் கூறினார்.

சிருல் அல்தான்துயா கொலை சம்பந்தப்பட்ட அனைத்தையும் ஆஸ்திரேலிய ஊடகங்களிடம் கூறுவதற்காக யோசித்துக் கொண்டிருக்கிறார் என்ற மலேசியாகினியின் செய்தியை ஐஜிபி குறிப்பிட்டார்.