தங்களது முதல் ஏவுகணை சோதனையை வெற்றிகரமாக நடத்தியிருப்பதாக, பாகிஸ்தான் தலிபான் தீவிரவாதிகள் அறிவித்துள்ளனர்.
ஆப்கானிஸ்தான் பழங்குடியின பகுதியில் வசித்து வரும் தெக்ரிக்-இ-தலிபான்(Tehreek-i-Taliban) தீவிரவாத இயக்கத்தின் பாகிஸ்தான் கிளை, தற்போது ஒமர்-1 என்ற ஏவுகணை சோதனையை நடத்தியுள்ளது.
இந்த ஏவுகணை சோதனையில் தாங்கள் வெற்றி கண்டுள்ளதாக அந்த இயக்கம் அதிகாரப்பூர்வமாக அறிவித்துள்ளது.
இந்த ஏவுகணை குறித்து அந்த அமைப்பின் தொழில்நட்ப செய்தி தொடர்பாளர் முகமது குரஸ்ஸினி(Mohammed krurassini)வீடியோவில் பேசுகையில், ஒமர்-1(Omar-1) மிக எளிதாக பிரிக்கவும் சேர்க்கவும் கூடியது என்றும் கடவுளின் அருளால் எங்களது எதிரிகள் பயந்து ஓடப் போகும் காலம் வந்துவிட்டது எனவும் பேசியுள்ளார்.
மேலும் ஏவுகணையின் பாகங்களை தயாரிக்கும் காட்சிகளும் அந்த வீடியோவில் இடம்பெற்றுள்ளன.
-http://world.lankasri.com
