நாம் திராவிடர் என்ற இயக்கம் நேற்று  01.05.2015 காலை 9:00 மணிக்கு  செல்லம் பிரிமியர் ஸ்தாபக  மோகன் அவர்கள் தலைமையில் மட்டக்களப்பு செங்கலடி செல்லம் வாசஸ்தலத்தில்  வைத்து ஆரம்பிக்கப்பட்டது.

மட்டக்களப்பின் பல பகுதிகளிலிருந்து குறிப்பாக யுத்தத்தினால் பாதிக்கப்பட்ட பிரதேசங்களான வேப்பவெட்டுவான் , இலுப்பட்டி சேனை  , பன்குடாவெளி , வந்தாறுமூலை , சித்தாண்டி , ஏறாவூர் ,கித்துள் போன்ற பகுதிகளிலிருந்து  பெருமளவான பொதுமக்கள் , புத்தி ஜீவிகள் , கிராமிய அமைப்புக்களின் பிரதிநிதிகள் , இளைஞர்கள் , முதியோர்கள் என பலவகைப்பட்டோர் இவ் வைபவத்தில் கலந்துகொண்டனர் .

ஆட்சி மாற்றம் ஏற்பட்டாலும் தங்கள் வாழ்வில் நல்ல மாற்றத்தை ஏற்படுத்துவதற்கு நல்ல அரசியல் தலைமைகள் கிடைக்காமை வருந்தத்தக்க விடயமாகும் . நாம் திராவிடர் என்ற அடிப்படையில் நாம் எல்லோரும் ஒன்று பட்டு நல்லாட்சியில் இணைந்து செயற்படுவோமானால் ஒடுக்கப்பட்டு கிடக்கின்ற தமிழ் மக்கள் தங்கள் அரசியல் தேவைகளை நிறைவுசெய்து கொள்ளலாம் என   க . மோகன் தெரிவித்தார் .

மேலும் நாம் திராவிடர் இயக்கம் யாருக்கும் எதிரானது அல்ல கிராமங்களில் வாழ்கின்ற ஏழைத் தொழிலாளர்களுக்கும் , மக்களுக்கும் , வேலை வாய்ப்புக்கள் , கல்வி வாய்ப்புக்கள் , தொழில்  பேட்டைகள் , நீர்ப்பாசனம் , விவசாயம்  மற்றும் மீன்பிடி போன்ற விடயங்களை ஆளும் அரசிடம் இருந்து வாதாடி பெற்றுக்கொடுப்பதே நோக்கமாகும் . இந்த இயக்கத்தில் தமிழ் மக்களின் மேம்பாட்டுக்காக தியாக சிந்தனையுடன் பங்களிப்பு செய்யும் எவரும் வேறுபாடின்றி இணைந்து கொள்ளலாம் என  க . மோகன் அழைப்பு விடுத்தார் .

இந்த இயக்கத்தின் பொது செயலாளராக   வ .கமலதாஸ் ( மட்டக்களப்பு  பிரஜைகள் சபை தலைவர் )
பொருளாளராக ஓய்வு பெற்ற எந்திரி . ந .ரஞ்சன் அவர்களும்
பிரதித்தலைவராக ஓய்வு பெற்ற அரசாங்க அதிபர்  இரா.மௌனகுருசாமி அவர்களும்
உதவிச் செயலாளராக த.கமலதாஸ் அவர்களும் தெரிவு செய்யப்பட்டனர்.

-http://www.pathivu.com