இலங்கையில் தமிழர்களுக்கு சமவுரிமை கிடைக்கும் வகையில் உருவாக்கப்பட்டுள்ள அரசியலமைப்பின் 13 ஆவது திருத்தச் சட்டத்தை விரைவில் அமுல்படுத்துவதற்கு இந்திய மத்திய அரசு இலங்கையை வலியுறுத்த வேண்டும் என தமிழக அரசு கோரிக்கை விடுத்துள்ளது.
சென்னைக்கு இன்று விஜயம் செய்திருந்த இந்திய பிரதமர் நரேந்திர மோடியை சந்தித்து கலந்துரையாடிய தமிழக முதல்வர் ஜெயலலிதா ஜெயராம், தமிழகத்தின் பல்வேறு பிரச்சினைகளுக்குத் தீர்வு காண வலியுறுத்தி பிரதமர் நரேந்திர மோடியிடம் 21 பக்கங்களைக் கொண்ட மனுவொன்றையும் கையளித்துள்ளார்.
அந்த மனுவில் இலங்கைத் தமிழர்கள் தொடர்பிலும் கரிசனை காட்டியுள்ள தமிழக அரசு, 13 ஆவது அரசியலமைப்புத் திருத்தச் சட்டத்தை விரைவாக அமுல்படுத்த மத்திய அரசு தலையிட்டு இலங்கையை வலியுறுத்த வேண்டுமென கோரிக்கை விடுத்துள்ளது.
இலங்கையில் இறுதிக்கட்டப் போரின்போது இனப்படுகொலையில் ஈடுபட்டவர்கள் சர்வதேச நீதிமன்றத்தின் முன் நிறுத்தப்படுவதற்கு மத்திய அரசு நடவடிக்கை எடுக்க வேண்டும் என்றும் தமிழக அரசின் மனுவில் உள்ளதாக தி ஹிந்து வெளியிட்டுள்ள செய்தியில் சுட்டிக்காட்டப்பட்டுள்ளது.
அத்துடன், தமிழக மீனவர் பிரச்சினைக்குத் தீர்வுகாண்பதற்காக இலங்கை வசமுள்ள கச்சத்தீவை மீளப் பொறுப்பேற்க மத்திய அரசு நடவடிக்கை எடுக்க வேண்டும் எனவும் அந்த மனுவில் கோரிக்கை விடுக்கப்பட்டுள்ளது.
-http://www.pathivu.com
இன்னுமா இவர்களை நம்பப்போகிறது.அப்பாவி ஈழ மக்களை கொலை செய்ய திட்டம் கொடுத்தவன் இந்த துரோக இந்தியாதான்.அப்படி என்றால் இந்தா அம்மா யாரை நீதிமன்றத்தின் முன் நிறுத்த மத்திய அரசு நடவடிக்கை எடுக்க வேண்டும் என்று கோரிக்கை வைக்கிறார்கள்.தமிழ் மக்கள் என்ன மாங்க மடையர்களா ? அம்பு சிங்களவன்.ஆனால் எய்தவன் இந்த துரோக இந்தியா என்பது வெளிச்சம்.இது கூட்டணி முயற்சிபேச்சு தவிர ஈழ மக்களின் மீது அக்கறை அல்ல.இந்தியாவே உன்னை மன்னிக்க மாட்டோம்.
நீங்க ரெண்டு பெரும் இதைதான் பேசி இருப்பிர்கள் என்று நாங்கள் நம்புகிறோம்
1. காங்கிரஸ் பாஜக ஆட்சியாளர்கள் மத்தியில் இருக்கின்றவரை இலங்கை போர்க் குற்றவாளிகளை யாராலும் இனிமேல் தண்டிக்க முடியாது. ஈழத் தமிழர்களுக்கு ஒரு சுய மரியாதையானத் தீர்வையும் இலங்கையில் எதிர்ப்பார்க்கமுடியாது. ஆதலால் தமிழீழம் என்பது வெறும் பகற்க் கனவுதான். இனிமேல் மாறவேண்டியது, தங்களின் அணுமுறையை மாற்றிக் கொள்ள வேண்டியது தமிழக மக்கள்தான்.
இந்த அம்மையார் இதுநாள் வரையில் 13 வது அரசியல் சட்டத் திருத்தத்தைப் பற்றிப் பேசியதேயில்லை. இது ஈழத் தமிழர்களுக்கு தேவையற்றவொன்று. பெரும்பான்மையான பேரினவாத சிங்களவர்கள்; சிங்களத் தீவிரவாதிகள்; சிறிய இனமான ஈழத் தமிழர்கள். இது எப்படி நடைமுறைக்கு சாத்தியமாகும். ஆகையால் இந்த அம்மையாரும் ஈழத் தமிழர்களின் பிரச்னையை வைத்து அரசியல் பிழைப்பு நடத்துகின்றார். அரசியல் ஆதாயம் தேடுகின்றார். இதை தமிழக மக்கள் கட்டாயமாகப் புரிந்துக் கொள்ள வேண்டும்.