கடந்த  ஆண்டில்  மலேசியா  எரிபொருள் உதவித்  தொகையை  அகற்றியதை  ஐநா மேம்பாட்டுத்  திட்ட (யுன்டிபி)  நிர்வாகி  ஹெலன்  கிளார்க்  பாராட்டினார்.

எரிபொருள் உதவித்  தொகைகள்  அகற்றப்பட  வேண்டும்  என்ற  அனைத்துலக  பண  நிறுவனத்தின்(ஐஎம்எப்)  கோரிக்கையை  யுன்டிபி  ஏற்கிறது என்றும் அவர்  சொன்னார்.

“எல்லா  நாடுகளிலும்  படிம  எரிபொருளுக்கு  உதவித்  தொகை  வழங்குவதை  நிறுத்த  வேண்டும்  என்று  ஐஎம்எப்- உடன்  சேர்ந்து  கோரிக்கை  விடுக்கிறோம். அதன்  மூலமாக அரசாங்க  பணத்தை  நிலையான  மேம்பாட்டுக்கும்  துன்பத்தில்  உழன்று  கொண்டிருப்போருக்கு  சமூகப்  பாதுகாப்பு  வழங்கவும்  பயன்படுத்திக்  கொள்ள  முடியும்.

“எரிபொருள்  உதவித்  தொகை  விவகாரத்தில்  மலேசியா மேற்கொண்ட  நடவடிக்கையைப்  பாராட்டுகிறோம்”. கோலாலும்பூரில்  உலக  உருமாற்றக்  கருத்தரங்கில்  பேசியபோது  ஹெலன்  இவ்வாறு  பேசினார்.