தமிழ் மக்களுக்குப் பாதகமாக அமையும் எந்த ஒரு தீர்வையும் நாம் ஏற்கமாட்டோம்.எமது மக்களை நாம் ஒருபோதும் கைவிடப்போவதில்லை. நிரந்தரமான ஒரு தீர்வுகிடைக்கும் வரையில் மக்கள் பொறுமையாக இருக்கும் அதே வேளையில், கொள்கையில்உறுதியுடன் இருக்கவேண்டும்’ எனத் தமிழ்த் தேசியக் கூட்டமைப்பின் தலைவரும்எதிர்க் கட்சித் தலைவருமான இரா.சம்பந்தன் தெரிவித்தார்.

அமரர் தர்மலிங்கத்தின் 31ம் ஆண்டு நினைவுதினம் இன்று வெள்ளிக்கிழமை(02)முற்பகல் தாவடியில் அமைந்துள்ள நினைவுத் தூபியில் இடம்பெற்றது.

இதன் போதுகலந்து கொண்டு கருத்துத் தெரிவிக்கையிலேயே அவர் மேற்கண்டவாறு தெரிவித்தார்.அவர் தொடர்ந்தும் தெரிவிக்கையில்,

தர்மலிங்கத்தின் கருத்துக்களின் அடிப்படையிலேயே தந்தை செல்வா தமது கொள்கைகளைவகுத்தார். எமது அரசியல் பயணத்தில் ஏற்பட்ட ஒழுங்குமுறைகளை அனைவரும்அறியவேண்டும்.

அந்தவகையில் நாடு பிளவுபடாத ஒரு தீர்வு எமக்கு வேண்டும் என நாம்கோருகிறோம். இறைமை அடிப்படையில் அதிகாரங்கள் பகிர்ந்தளிக்கப்பட வேண்டும்.

தனித்துவமான முறையில் அதிகாரங்கள் பகிர்ந்தளிக்கப்பட வேண்டும். சட்டம்,ஒழுங்கு, காணி, கல்வி, சுகாதாரம், மொழி, கலாசாரம், மீன்படி, விவசாயம், எனஅனைத்திலும் அதிகாரம் பகிரப்படவேண்டும்.

இம்முறையானது, உலகில் பல நாடுகளில்நடைமுறையில் தற்போது காணப்படுகிறது. அதன் அடிப்டையிலேயே நாம் கோருகிறோம். அதனைநாட்டின் பல தலைமைகள் ஏற்றுக்கொண்டுள்ளன. அவ்வாறு பகிரப்படும் அதிகாரமானதுஉச்சமாக இருக்கவேண்டும்.

இதில் நிறைவேற்று அதிகார உரித்து காணப்படவேண்டும்.தந்தை செல்வா, தமிழரசுக் கட்சியினை ஆரம்பித்துக் கொள்கையினை வகுத்து தமிழ்மக்களின் உள்ளக சுயநிர்ணய உரிமையைக் கேட்டார். அப்போது தந்தை செல்வாவுடன்இணைந்து பலர் செயற்பட்டனர். அதில் தர்மலிங்கமும் ஒருவர்.

காலப் போக்கில்தமிழரசுக் கட்சி மக்கள் மத்தியில் பூரண ஆதரவை பெற்றது. 1960ஆம் ஆண்டுதர்மலிங்கம் முதல் தடவையாக நாடாளுமன்றத்துக்கு தெரிவு செய்யப்பட்டார். இவர்அனைவரது மதிப்பைப்பெற்ற தலைவராக காணப்பட்டார்.

1970ஆண்டு தேர்தலின் பின்னர் அரசியல் அமைப்பு மாற்றப்பட்டு புதிய அசியல்சாசனம் உருவாக்க முயற்சிகள் செய்யப்பட்டபோது தமிழரசுக் கட்சி அதில் சார்பாகஇருந்தது. அதற்கான ஆதரவு கருத்துக்களை வழங்கினார் தர்மலிங்கம்.

ஆனால், அன்றும்கூட தமிழர் கருத்துக்கள் அரசால் ஏற்றுக்கொள்ளப்படாமல் இருந்தது.அதனைத் தொடர்ந்து நாம் வெளியேறினோம். கொண்டுவரப்பட்ட புதிய அரசியல்சாசனத்தை நாட்டின் அனைத்து மக்களும் ஏற்றுள்ளனர் என அரசு தெரிவித்தது.

இதனைமறுத்த தந்தை செல்வா இது தமிழ் மக்களால் ஏற்றுக் கொள்ளப்படாத ஒரு அரசியல்சாசனம் தெரிவித்து தனது நாடாளுமன்ற உறுப்பினர் பதவியை இராஜினாமா செய்து தான்தனியாக போட்டியிடுவதாகத் தெரிவித்தார்.

தற்போது 1978ம் ஆண்டு கொண்டுவரப்பட்ட அரசியல் அமைப்பு நீக்கப்பட்டு புதியஅரசியல் அமைப்புக் கொண்டு வரப்பட வேண்டும் என அனைத்து மக்களும்விரும்புகிறார்கள்.

அன்றைய காலகட்டத்தில் தர்மலிங்கம் முன்வைத்த கருத்துக்களேதற்போது எமக்குத் தேவைப்படுகிறது.தர்மலிங்கம் போன்ற பல தலைவர்கள் தற்போது நம்முடன் இல்லை.

அதனடிப்படையில் பலபொறுப்புக்களை நாம் சுமக்கிறோம். நமது மக்கள் பொறுமையாக இருக்கவேண்டும் கொள்கையில் உறுதியாக இருக்க வேண்டும் என அவர் மேலும் தெரிவித்தார்.

-http://www.tamilwin.com