தற்போதைய அதிபர் ரணில் விக்ரமசிங்க, அரகலய போராட்டகாரர்களாலேயே அதிபர் பதவியில் நியமிக்கப்பட்டார் என்றும், அவர் கடந்த காலத்திலிருந்து எதையும் கற்றுக் கொள்ளவில்லை என்றும் தெரிவதாக கலாநிதி ஓமல்பே சோபித தேரர் தெரிவித்தார்.

இது தொடர்பில் ஊடகங்களுக்கு கருத்து தெரிவித்த அவர், தேசிய சொத்துக்களை அபகரித்தவர்கள் சட்டத்தின் முன் நிறுத்தப்பட வேண்டும் எனவும் ஊழல்வாதிகளை அமைச்சர்களாக நியமிக்கக் கூடாது எனவும் வலியுறுத்தினார்.

புதிய நடைமுறைகளுக்குப் பதிலாக, அதிபர் பழைய நடைமுறைகளைத் தொடர்வதாகக் காணப்படுகிறது.

மனிதாபிமானமற்ற அரசியல் நிகழ்ச்சி நிரல்

அவர் தனது பழைய அமைச்சர்கள், நண்பர்கள் மற்றும் உறவினர்களின் ஆதரவுடன் இதே சுயநலம் மற்றும் மனிதாபிமானமற்ற அரசியல் நிகழ்ச்சி நிரலைத் தொடர்கிறார்.

எனவே, பழைய நடைமுறைகளை கைவிட்டு, திருடர்களை தண்டித்து, நாட்டின் தேசிய செல்வத்தை திருடியவர்களிடம் இருந்து அதனை மீட்க வேண்டும் என அவருக்கு கடுமையாக அறிவுறுத்துகிறோம் என்றார்.

-ibc