பிரதமர் அன்வார் இப்ராஹிமை விமர்சித்ததில் சுவாராம் நியாயமானதல்ல என்று பயான் பாரு எம்பி சிம் டிஸே சின்(Bayan Baru MP Sim Tze Tzin) கூறினார்.

பக்காத்தான் ஹராப்பான் பல ஆண்டுகளாக அளித்த சீர்திருத்த வாக்குறுதிகளை நிறைவேற்றத் தவறினால், நாட்டின் மிக மோசமான பிரதமராக அன்வார் இருப்பார் என்று அதன் செயல் இயக்குநர் சிவன் துரைசாமி கூறியதை அடுத்து இது நிகழ்ந்துள்ளது.

“சிவனின் கருத்து நியாயமற்றது மற்றும் (அது) கூட்டணி அரசாங்கத்தால் இதுவரை செயல்படுத்தப்பட்ட பல சீர்திருத்தங்களுக்குரிய அங்கீகாரம் அளிக்கவில்லை,” என்று எம்.பி இன்று ஒரு அறிக்கையில் தெரிவித்துள்ளார்.

கட்டாய மரண தண்டனையை ஒழிப்பதற்கான கூட்டணி அரசாங்கத்தின் நடவடிக்கையை ஐக்கிய நாடுகளின் மனித உரிமைகள் உயர் ஆணையர், மனித உரிமை வழக்கறிஞர்கள் மற்றும் அம்னஸ்டி இன்டர்நேஷனல் போன்ற பல சர்வதேச அமைப்புகள் பாராட்டியுள்ளன என்று சிம் (மேலே) மேலும் கூறினார்.

முன்னதாக, கொடுங்கோன்மைச் சட்டங்களை ஒழிப்பதற்கான அரசாங்கத்தின் அரசியல் விருப்பத்தைச் சிவன் கேள்வி எழுப்பினார், குறிப்பாக விசாரணையின்றி தடுப்புக்காவல் சம்பந்தப்பட்ட சட்டங்கள்.

போலீஸ் காட்டுமிராண்டித்தனத்திற்கும் விசாரணையின்றி தடுப்புக்காவலுக்கும் ஆளான அன்வார், இப்போது தனக்கு அதிகாரம் இருப்பதால் ஏதாவது செய்வார் என்று சுவாராம் அதிக நம்பிக்கை கொண்டுள்ளது என்று சிவன் கூறினார்.

இந்த நாட்டில் கட்டாய மரண தண்டனையை ஒழித்தபிறகு அரசாங்கம்  பெருமைப்பட முடியாது என்று சிவன் கூறினார், ஏனெனில் மரண தண்டனை என்பது சீர்திருத்தப்பட வேண்டிய  முக்கியமான சட்டங்களில் ஒன்றாகும்.

இதில் தேசத்துரோகச் சட்டமும் அடங்கும், இது நாட்டில் கருத்துச் சுதந்திரத்தை கட்டுப்படுத்துவதால் ரத்து செய்யப்பட வேண்டும் என்றார்.