பொருளாதார நிலை சாதகமாக இருந்தால், 2027-ஆம் ஆண்டு மத்திய வரவு செலவுத் திட்டத்தில் சபா மாநிலத்திற்கான சிறப்பு மானியத்தை அதிகரிப்பதைக் குறித்து மத்திய அரசு பரிசீலிக்கத் தயாராக உள்ளது என்று முஸ்தபா சக்மூட் தெரிவித்தார்.

“பொருளாதார நிலை இடமளித்தால், சபாவுக்கான சிறப்பு மானியத்தை அதிகரிப்பதில் எந்தப் பிரச்சினையும் இருக்காது என்று நான் நம்புகிறேன்,” என்று சபா மற்றும் சரவாக் விவகாரங்களுக்கான அமைச்சர் கூறியதாக போர்னியோ போஸ்ட் (Borneo Post) செய்தி வெளியிட்டுள்ளது.

கடந்த 2025-ஆம் ஆண்டில், சபா மற்றும் சரவாக் மாநிலங்களுக்கான சிறப்பு மானியங்களை மத்திய அரசு தலா 600 மில்லியன் ரிங்கிட்டாக இருமடங்கு உயர்த்தியது. இதற்கு இரண்டு ஆண்டுகளுக்கு முன்புதான் இந்த மானியம் 300 மில்லியன் ரிங்கிட்டாக உயர்த்தப்பட்டது. அப்போது சபாவிற்கு 40 மில்லியன் ரிங்கிட் உயர்வு கிடைத்தது, ஆனால் முன்னதாக 16 மில்லியன் ரிங்கிட் மட்டுமே பெற்று வந்த சரவாக் மாநிலத்திற்கு கூடுதல் உயர்வு வழங்கப்பட்டது.

மற்றுமொரு நிகழ்வில், சமீபத்திய மாநில சட்டப் பேரவையில் வருவாய் உரிமை குறித்து விவாதித்த சபா சட்டமன்ற உறுப்பினர்களுக்கு முஸ்தபா தனது பாராட்டுக்களைத் தெரிவித்தார்.

மத்திய அரசு இந்த மானியத்தை தீவிரமாக மறுபரிசீலனை செய்து வருவதாக அவர் கூறினார். “நாங்கள் இந்த விஷயத்தைக் கவனித்து ஆராய்ந்து வருகிறோம், இது குறித்து நான் தனிப்பட்ட முறையில் பிரதமருடன் ஆலோசித்துள்ளேன், என்று அவர் கூறினார்.

கடந்த வாரம் நடைபெற்ற அமைச்சரவைக் கூட்டத்தில் இந்த விவகாரம் விவாதிக்கப்பட்டதாகவும், இதற்கான முடிவு “விரைவில் எதிர்பார்க்கப்படுகிறது” என்றும் அவர் கூறினார்.

கடந்த ஆண்டு, கோத்தா கினபாலு உயர் நீதிமன்றம், சபா மாநிலத்தில் ஈட்டப்படும் நிகர மத்திய வரி வருவாயில் 40% பங்கைப் பெறுவதற்கான சபாவின் அரசியலமைப்பு உரிமையை உறுதிப்படுத்தியது. பிரதம மந்திரி அன்வார் இப்ராஹிம், சபாவின் இந்த உரிமையை அரசாங்கம் மதிக்கும் என்று ஏற்கனவே தெரிவித்துள்ளார்.

 

 

-fmt