நாடாளுமன்ற உறுப்பினர்கள் பதவியிலிருந்து ரபிஸி ரம்லி மற்றும் நிக் நஸ்மி நிக் அகமத் ஆகியோர் ராஜினாமா செய்ததைத் தொடர்ந்து, பாண்டன் மற்றும் செத்தியாவங்சா நாடாளுமன்றத் தொகுதிகளுக்கு இடைத்தேர்தல் நடத்தப்படாது என்று தேர்தல் ஆணையம் தெரிவித்துள்ளது.

அந்த இடங்களை நிரப்பத் தேவையில்லை என்று மக்களவை சபாநாயகர் ஜொஹாரி அப்துல் தங்களுக்குத் தெரிவித்துள்ளதாக தேர்தல் ஆணையத் தலைவர் ரம்லான் ஹாரூன் கூறினார்.

எனவே, பாண்டன் மற்றும் செத்தியாவங்சா தொகுதிகளுக்கு இடைத்தேர்தல்கள் எதுவும் நடத்தப்படாது, என்று அவர் இன்று மாலை வெளியிட்ட சுருக்கமான அறிக்கையில் தெரிவித்துள்ளார்.

ரஃபிஸி மற்றும் நிக் நஸ்மி ஆகியோர் பிகேஆர் கட்சியிலிருந்து விலகுவதற்கு முன், முறையே பாண்டன் மற்றும் செத்தியாவங்சா நாடாளுமன்ற உறுப்பினர் பதவிகளை ராஜினாமா செய்தனர். அதன்பின்னர், அவர்கள் பார்ட்டி பெர்சாமா மலேசியா கட்சியைக் கைப்பற்றியுள்ளனர்.

நாடாளுமன்றத்தின் ஆயுட்காலம் முடிவடைய இன்னும் இரண்டு ஆண்டுகளுக்கும் குறைவாகவே உள்ளதால், நாடாளுமன்றம் தானாகவே கலைந்துவிடும் என்பதால் இடைத்தேர்தல்கள் நடத்தப்பட வேண்டும் என்பது கட்டாயமில்லை.

இருப்பினும், இந்த காலிப் பணியிடங்களால் அவையில் ஆளும் கட்சியின் பெரும்பான்மை பாதிக்கப்படுகிறது என்று மக்களவை சபாநாயகர் தேர்தல் ஆணையத்திற்கு கடிதம் மூலம் தெரிவித்தால், இடைத்தேர்தலை நடத்துமாறு அவர் கோரிக்கை விடுக்கலாம்.

 

 

 

-fmt