திங்கட்கிழமை கைது செய்யப்பட்டதைத் தொடர்ந்து, மேலும் ஐந்து பேர் இன்று காவலில் இருந்து விடுவிக்கப்பட்டதாக பகாங் காவல்துறைத் தலைவர் யஹாயா ஒத்மான் தெரிவித்துள்ளார்.

பஹாங் காவல்துறைத் தலைவர் யஹாயா ஒத்மான் கூறுகையில், இந்த வழக்கு ஏமாற்றுவதற்காக ஆவணங்களை மோசடி செய்ததற்கான தண்டனைச் சட்டத்தின் பிரிவு 468 மற்றும் ஏமாற்றுதலுக்கான பிரிவு 420 ஆகியவற்றின் கீழ் விசாரிக்கப்பட்டு வருகிறது என்றார்.

பஹாங்கின் பெக்கான் நகரில் போலி மருத்துவச் சான்றிதழ்கள் (MC) விற்பனை செய்யப்பட்டது தொடர்பான விசாரணைக்கு உதவுவதற்காக காவல்துறையினர்  மேலும் நான்கு பேரைக் கைது செய்துள்ளனர்.

வாங்குபவர்கள் என்று நம்பப்படும் 40 வயதுக்குட்பட்ட அந்த நான்கு சந்தேக நபர்களும் புதன்கிழமை மாவட்டத்தில் கைது செய்யப்பட்டதாகவும், விசாரணையின் ஒரு பகுதியாக அவர்களின் வாக்குமூலங்கள் பதிவு செய்யப்படவுள்ளதாகவும் மாநில காவல்துறை தலைமை அதிகாரி யஹாயா ஒத்மான் தெரிவித்தார்.

“இதற்கிடையில், கடந்த திங்கட்கிழமை கைது செய்யப்பட்ட ஐந்து சந்தேக நபர்களின் தடுப்புக் காவல் காலம் இன்றுடன் முடிவடைந்ததை அடுத்து, அவர்கள் காவல்துறை ஜாமீனில் விடுவிக்கப்பட்டனர்,” என்று அவர் பகானில் கூறியதாக சினார் ஹரியான் செய்தி வெளியிட்டுள்ளது.

இந்த வழக்கு தண்டனைச் சட்டத்தின் பிரிவு 468 (போலி ஆவணங்களை உருவாக்குதல்) மற்றும் பிரிவு 420 (ஏமாற்றுதல்) ஆகியவற்றின் கீழ் விசாரிக்கப்பட்டு வருவதாக யஹாயா கூறினார்.

மாவட்டத்தில் உள்ள ஒரு தொழிற்சாலையின் தொழிலாளர்களுக்கு மருத்துவச் சான்றிதழ்கள் விற்கப்படுவதாக கடந்த மே 12-ஆம் தேதி பகான் சுகாதார அலுவலகத்திற்குத் தகவல் கிடைத்ததை அடுத்து இந்த வழக்கு முதன்முதலில் வெளிச்சத்திற்கு வந்தது.

அரசு கிளினிக்கில் இருந்து கட்டணம் செலுத்தி மருத்துவச் சான்றிதழ் பெற்றதாக நம்பப்படும் ஒரு நபரிடமிருந்து தாங்கள் அதை வாங்கியதாகக் கூறிய ஒருவரிடமிருந்து மாவட்ட சுகாதார அலுவலகத்திற்குத் தகவல் கிடைத்ததாக பெகான் காவைதுறை தலைமை அதிகாரி ஜைடி மாட் ஜின் தெரிவித்தார்.

இந்தச் சான்றிதழ்கள் தலா ரிம 50 முதல் ரிம 200 வரை விற்கப்பட்டதாக அவர் கூறினார். அந்தச் சான்றிதழ்களில் பெயர் இருந்த மருத்துவ அதிகாரி, தான் 2023-லேயே வேறு பணியிடத்திற்கு மாற்றலாகிவிட்டதையும், பயன்படுத்தப்பட்ட முத்திரை காலாவதியானது மற்றும் தற்போது பயன்பாட்டில் இல்லை என்பதையும் உறுதிப்படுத்தினார்.

வாடிக்கையாளர்களைக் கண்டறிவதற்கும் விற்பனையை நிர்வகிப்பதற்கும் இடைத்தரகர்களைக் கொண்டு, இந்தச் சான்றிதழ் விற்பனை மிகவும் திட்டமிட்ட முறையில் நடத்தப்பட்டதாக ஜைடி கூறினார்.

இதனைத் தொடர்ந்து, காவல்துறை பெகானில் ஐந்து சந்தேக நபர்களைக் கைது செய்தனர். அவர்களில் மூன்று இடைத்தரகர்கள், சான்றிதழ்களை வழங்கியதாக நம்பப்படும் அரசு கிளினிக் செவிலியர் ஒருவர் மற்றும் ஒரு வாங்குபவர் அடங்குவர்.