தமிழீழ விடுதலைப் புலிகளின் முன்னாள் போராளி ஒருவரை இந்திய காவல்துறையினர் கைது செய்துள்ளனர். நைரேபிக்கான விமானத்தில் பயணம் செய்ய முயற்சித்த போது குறித்த நபரை இந்திய அதிகாரிகள் கைது செய்துள்ளனர்.
இலத்திரனியல் பொறியியலாளரான குறித்த நபர் வான் வழியாக இந்தியாவை அடைந்ததாக முதலில் தெரிவித்துள்ளார். எனினும், நீண்ட விசாரணைகளின் பின்னர் கடல் வழியாக தாம் இந்தியாவை அடைந்ததாகவும், நைரோபிக்கு செல்ல திட்டமிட்டிருந்ததாகவும் தெரிவித்துள்ளார்.
இலங்கை அரசாங்கம் குறித்த நபருக்கு எதிராக சர்வதேச பிடியாணை உத்தரவினை பிறப்பித்திருந்தமை குறிப்பிடத்தக்கது. யாழ்ப்பாணத்தை பிறப்பிடமாகக் கொண்ட 35 வயதான தேவ சதீஸ் குமார் என்பவரே இவ்வாறு கைது செய்யப்பட்டுள்ளார். மும்பை விமான நிலையத்தில் வைத்து குறித் நபரை இந்திய புலனாய்வுப் பிரிவினர் கைது செய்துள்ளனர்.
இன்னும் இந்திய அரசாங்கம் ஈழத் தமிழர் எதிர்ப்புப் போக்கை கைவிடவில்லை.இலங்கையில் மனித உரிமை மீறல் சம்பவங்களை அந்நாட்டு அரசாங்கமே தங்கு தடையின்றி மேற்கொண்டு வருகிறது.சாவதேச நாடுகளும் அதற்கு எதிர்ப்பு தெரிவித்து வருகின்றன.அப்படியிருக்க இன்னும் விடுதலைப் புலிகள் என்ற பெயரில் இந்திய அரசாங்கம் ஈழத் தமிழர்களை கைது செய்து சிங்கள அரசாங்கத்திடம் ஒப்படைப்பது மனிதாபிமானமற்ற செயலாகும்.இவர்களின் கொடுமையான செயல்களால் ஈழத் தமிழன் அனைத்துலக ரீதியில் அலைகழிக்கப் படுகிறான்.இதை கேட்கத்தான் நாதியில்லை.