ஐ.நா. மனித உரிமைகள் ஆணையாளர் நவநீதம்பிள்ளை திருகோணமலைக்கு விஜயம் செய்துள்ளார்.
அவரது கவனத்தை ஈர்க்கும் வகையில் திருகோணமலை மாவட்ட செயலகத்திற்கு எதிரில் மக்கள் ஆர்ப்பாட்டம் ஒன்றை நடத்தினர்.
காணாமல் போன தமது உறவுகளை மீட்டுத்தருமாறு கோரி உறவினர்கள் இந்த ஆர்ப்பாட்டத்தில் ஈடுபட்டனர்.
ஆணையாளர் நவநீதம் பிள்ளை இன்று காலை திருகோணமலை மாவட்ட அரச அதிபர் மேஜர் ஜெனரல் ரஞ்சித் டி சில்வாவை சந்தித்து கலந்துரையாடினார்.
இதன்போது அம்பாறை, திருகோணமலை, மட்டக்களப்பு பகுதிகளைச் சேர்ந்த மக்கள் மாவட்ட செயலகத்திற்கு எதிரில் கூடி காணாமல் போன தமது உறவுகளை கண்டுப்பிடித்து தருமாறு கோரி ஆர்ப்பாட்டத்தில் ஈடுபட்டனர்.
