‘சுங்கை மூடா ஆறு பினாங்கு நோக்கி ஓடுவதைத் தடுக்க வேண்டும்  என்பதில் கெடா கெராக்கான் இளைஞர் பகுதிக்கு உடன்பாடில்லை.

திங்கள்கிழமை அம்னோவின் பக்கார் பாத்தா சட்டமன்ற உறுப்பினர் அஹ்மட் பாஷா முகம்மட் ஹனிபாவால் முன்வைக்கப்பட்ட அந்த ஆலோசனையைத் தாம் ஏற்கவில்லை என மாநில கெராக்கான் இளைஞர் தலைவர் டான் கெங் லியாங் கூறினார்.

“கெடா, பினாங்கு மக்களுக்கிடையே மனக் கசப்பைத் தவிர்க்க அவ்விவகாரத்தை நாடாளுமன்றத்தில் விவாதிப்பதே நல்லது”, என்றவர் மலேசியாகினியிடம் தெரிவித்தார்.