சிலாங்கூர்  மந்திரி  புசார்  விவகாரத்தில்   பாஸ்  மத்திய குழு ஆகஸ்ட்  17-இல்  கூட்டம் நடத்தி  முடிவெடுக்கவுள்ள  வேளையில், 2008-இல்  உருவான பக்கத்தான்  ரக்யாட்  கூட்டணியைக்  கட்டிக்காப்பது  அவசியம்  என  அக்கட்சிக்கு  அறிவுறுத்தப்பட்டுள்ளது.

பக்கத்தானில்  பலவீனங்கள்  இருந்தாலும் தனியொரு  மனிதருக்காகக்  கூட்டணி  உடைந்து  விடக்கூடாது  என  பாஸ்  மத்திய  குழு  உறுப்பினர்  முஜாஹிட்  யூசுப்  ராவா  கூறினார்.

அவர்  குறிப்பிட்ட  அந்த  மனிதர்  சிலாங்கூர்  மந்திரி  புசார்  காலிட்  இப்ராகிம். பிகேஆர்  கட்சியிலிருந்து  நீக்கப்பட்டாலும்  சிலாங்கூர்  சுல்தானின்  அனுமதியுடன்  இன்னமும்  பதவியைப்  பிடித்து வைத்துக்  கொண்டிருக்கிறார்.

“பக்கத்தான்  உணர்வும்  இலட்சியமும்  மிகப்  பெரியவை, தனியொருவருக்காக அவற்றைக்  கைவிடுதல்  கூடாது”, என பாரிட்  புந்தார்  எம்பியும்  பாஸ்  தேசிய  ஒற்றுமை  பிரிவுத்  தலைவருமான  முஜாஹிட்  கேட்டுக்கொண்டார்.