அம்னோ  தலைவர்  ஒருவர்,  எதிரணித்  தலைவர்  அன்வார்  இப்ராகிமுக்கு  ஆதரவான ‘Rakyat Hakim Negara’ இயக்கத்துக்கு  எதிராக  போலீசார்  கடும்  நடவடிக்கை  எடுக்க  வேண்டும்  என  வலியுறுத்தினார்.

குதப்புணர்ச்சி  வழக்குமீதான  அன்வாரின்  மேல்முறையீடு  அக்டோபர் 28, 29 ஆகிய  நாள்களில் கூட்டரசு  நீதிமன்றத்தில்  இறுதி  விசாரணைக்கு  வருவதையொட்டி  அவ்வியக்கத்தை  பிகேஆர்  இளைஞர்  பகுதி  ஏற்பாடு  செய்துள்ளது.

அன்வார்  “தனிப்பட்ட  உரிமை  கொண்டவரல்ல”  என  செராஸ்  அம்னோ  தொகுதித் தலைவர்  சையட்  அலி  அல்ஹப்ஷி  கூறினார்.

“பிகேஆர்  இளைஞர்  பகுதியின்  இயக்கம் நீதித்துறையைச்  சிறுமைப்படுத்துகிறது. அதற்கெதிராக தகுந்த  நடவடிக்கை  எடுக்கப்பட  வேண்டும். என்னைப்  பொருத்தவரை  நாட்டில்  சட்ட  அமைப்பு  நியாயமாகவே  உள்ளது.

“நீதித்  துறையின்  நேர்மை  குறித்து  யாரும்  கேள்வி  எழுப்ப  முடியாது.  எல்லாத் தரப்பினரும்  நீதிமன்றத்தின்  தீர்ப்புக்குக்  கட்டுப்பட்டாக  வேண்டும்”, என்றவர்  தம்  வலைப்பதிவில்  கூறினார்.