இளைஞர், விளையாட்டு  அமைச்சர்  கைரி  ஜமாலுடின்,  இன்று காலை  வழக்குரைஞர்கள்  தேச நிந்தனைச்  சட்டத்துக்கு  எதிராக  நடத்திய  ஊர்வலத்தை  மட்டம்தட்டிப்  பேசினார். அக்கொடூரச்  சட்டத்தை  மலேசியர்கள்  விரும்புவதாகவும்  அவர்  தெரிவித்தார்.

“தேச  நிந்தனைச்  சட்ட  எதிர்ப்பு  இயக்கம்  பெரிய  தாக்கத்தை  ஏற்படுத்தவில்லை. ஏனென்றால்  அது  சினமூட்டும்  பேச்சுகளுக்கு  எதிராக  எவ்வித  பாதுகாப்பையும்  வழங்கவில்லை”, என்று  கைரி  டிவிட்டரில்  பதிவிட்டிருந்தார்.

“தேர்ந்தெடுத்து வழக்கு தொடுக்கும்  போக்கும்  அரசாங்கத்துக்கு  எதிரான  நியாயமான கருத்துகளை  இலக்காகக்  கொண்ட  சட்ட  நடவடிக்கைகளும்  இல்லாதிருந்தால்” தேச  நிந்தனை  போன்ற  சட்டங்களுக்குப்  பொதுமக்களிடம்  மதிப்பு  கூடும்  என்றாரவர்.