கூட்டரசு  நீதிமன்றம்,  அன்வார்  இப்ராகிம் குற்றவாளிதான்  என்ற  தீர்ப்பை  நிலைநிறுத்தும்  என்று  நம்பிக்கைக்  கொண்டிருக்கும்  அரசுத்தரப்பு  வழக்குரைஞர்  முகம்மட்  ஷாபி  அப்துல்லா,  அவருக்கு  மேலும்  கடுமையான  தண்டனையைப்  பெற்றுத்தருவதில்  பிடிவாதமாக  இருக்கிறார்.

செய்தியாளர்களிடம்  பேசிய  அவர், “குற்றவாளி  என்று  தீர்ப்பளிக்கப்பட்டால்  அவருக்குக்  கொடுக்கப்பட்ட  ஐந்தாண்டுச்  சிறைத்  தண்டனையைக் கூட்டுமாறு  கேட்டுக்கொள்வோம்”, என்றார்.

முறையீட்டு  நீதிமன்றத்தில் அளிக்கப்பட்ட  தண்டனை  போதாது  என்று  அரசுத்தரப்பு  ஏற்கனவே எதிர் முறையீடு ஒன்றைச்  செய்துள்ளது.