தேர்தல்  கண்காணிப்பு  அமைப்பான  பெர்சே,  நன்கொடைகள்  வழியாகவும்  டி-சட்டை  விற்பனை  வழியாகவும்  மில்லியன்  ரிங்கிட்டுக்குமேல்  திரட்டியுள்ளது.

பெர்சே-இன்  மந்திப்  சிங்  நேற்றிரவு 12.26வரை  ரிம1,221,419.02  திரட்டப்பட்டதாக  முகநூலில்  கூறியிருந்தார்.

“கொடை  வழங்கியவர்களுக்கு  மில்லியன்  நன்றிகள். இன்னும்  வழங்காதவர்களிடம்  வழங்குவீர்  எனக்  கேட்டுக்கொள்கிறேன்”, என்றவர்  பதிவிட்டிருந்தார்.

பெர்சே,  ஆகஸ்ட்  29-30-இல்  இரவுமுழுக்க  பேரணி  நடத்த  முடிவு  செய்துள்ளது. மற்றவற்றுடன்  பிரதமர்  நஜிப்  அப்துல்  ரசாக்கின்  பதவி  விலகலுக்குக்  கோரிக்கை  விடுப்பதும் அப்பேரணியின் நோக்கமாகும்.