யூதர்களின் ஆதரவைப் பெற்றுள்ள டிஎபியை ஒழித்துக்கட்டுவதற்காக ரிம2.6 பில்லியனை அரேபியர்கள் பிரதமர் நஜிப்பிற்கு கொடுத்தனர் என்று ஶ்ரீகாடிங் அம்னோ தொகுதித் தலைவர் அப்துல் அசிஸ் கப்ராவி கூறிக்கொண்டார்.

இந்நாட்டில் டிஎபி இஸ்லாத்திற்கு மருட்டலாக இருப்பதுதான் அதற்குக் காரணம் என்றாரவர்.

“நாம் தேர்தலில் தோற்றிருந்தால், யூதர்களின் ஆதரவு பெற்ற டிஎபி ஆட்சியில் அமர்ந்திருக்கும்… சக முஸ்லிம் தலைவர்கள் டிஎபியின் மருட்டலை அறிந்திருந்தனர்.

“மலேசியாவின் முஸ்லிம் அரசு வீழ்ந்திருந்தால், உலகின் இஸ்லாமிய போராட்டம் சிதறியிருக்கும்”, என்று ஜொகூர் ஶ்ரீகாடிங் அம்னோ தொகுதி ஆண்டுக் கூட்டத்தில் இன்று அந்த அம்னோ தலைவர் கூறினார்.