சிலாங்கூர்  மந்திரி  புசார்  அப்துல்  காலிட்  இப்ராகிம்  பதவி  விலகுவார்  என்ற  வதந்தியைத்  தொடர்ந்து  செய்தியாளர்களும்  படப்பிடிப்பாளர்களும்  காலையிலிருந்து  சிலாங்கூரின்  இரு  அரண்மனைகளை  முற்றுகை  இட்டுள்ளனர்.

கிள்ளானில்  இஸ்தானா  ஆலம்  ஷா,  ஷா  ஆலமில்  இஸ்தானா  மெஸ்டிகா  தவிர்த்து சிலாங்கூர்  மாநிலச்  செயலகக்  கட்டிடத்திலும்  செய்தியாளர்கள்  திரண்டுள்ளனர்.

மந்திரி  புசார்  அலுவலகம், காலிட்  பதவி  விலகுவதை  மறுத்தது. அவர், இன்று  சுல்தானைச்  சந்திப்பதாக  மட்டும்  அது  கூறிற்று.

அவரின்  பத்திரிகைச்  செயலாளர்  அர்பா’இசா  அசிஸ்,  அது பொறுப்பற்ற  தரப்பினர்  கிளப்பி  விட்டிருக்கும்  புரளி  என்று  கூறினார்.