ஒரு வாரத்திற்கு முன்பு, பிப்ரவரி 8, 2022 அன்று, தேசிய மீட்பு கவுன்சிலின் (NRC) தலைவர் முஹிடின் யாசின், மார்ச் மாத தொடக்கத்தில்  நாட்டின் எல்லைகளை திறக்க கவுன்சில் முன்மொழிந்ததாக அறிவித்தார். இந்த கூட்டத்தில் சுகாதார அமைச்சர் கைரி ஜமாலுதீன் உட்பட என்.ஆர்.சி.யின் அமைச்சர்கள் மற்றும் நிதியமைச்சர் தெங்கு ஜாஃப்ருல் அப்துல் அஜீஸ், உட்பட பிற அமைச்சர்களும் கலந்து கொண்டனர்.

சில நாட்களுக்குப் முன், பாதுகாப்பு அமைச்சர், எஸ்.ஓ.பி. மற்றும் பல்வேறு பொருளாதாரதுறைகளைத் திறப்பது குறித்த என்.ஆர்.சி முன்மொழிவு இன்னும் விவாதிக்கப்படவில்லை என்று தெரிவித்தார். (இதே அமைச்சர்தான்  ஜொகூர் மாநிலத் தேர்தலுக்க்கான  நிகழ்வில்  SOPகளை மீறி கலந்துகொண்டதற்காக சுகாதார அமைச்சினால் அபராதம் விதிக்கப்பட்டவர்).

பிரதம மந்திரி இஸ்மாயில் சப்ரி யாகோப் பின்னர், எல்லையை மீண்டும் திறப்பது குறித்து அமைச்சரவை விரைவில் முடிவெடுக்கும் என்றார். சுற்றுலாப் பயணிகளின் வருகை கோவிட் -19 நேர்வுகளின் எண்ணிக்கையை அதிகரிக்க வழிவகுக்கும் என்றும் கவலை தெரிவித்தார்.

ஒருங்கிணைப்பு இல்லாமை

தற்போது  அமைச்சர்கள் இருந்த போதிலும் அவர்களால் எல்லையை மீண்டும் திறக்கும் வழிகளை ஒருங்கிணைக்க முடியவில்லை.  மில்லியன் கணக்கான  நபர்களும் வேலைகளும் தேங்கியுள்ளன. அதோடு  சுற்றுலா போன்ற வாழ்வாதாரங்களைப் பாதிக்கும் பல முடிவுகள் அரசாங்க கொள்கை சார்ந்தவை. உருப்படியான முடிவுகள் அற்ற நிலை அரசாங்கத்தின் தற்போதைய செயலிழப்பைக் காட்டுகிறது.

சரியான தகவல்தொடர்பு மற்றும் ஒருங்கிணைப்பு இல்லாததால், பல மலேசியர்கள் மற்றும் வெளிநாட்டினர் மார்ச் மாதத்தில், தனிமைப்படுத்தல் இல்லாத, பயணம் விரைவில் செயல்படுத்தப்படும் என்று நினைத்து நாட்டிற்குள் மற்றும் வெளியே பயணம் செய்ய ஏற்பாடுகளை செய்திருக்கலாம்.

ஹிஷாமுடின் ஹுசைன் போன்ற ஒரு மூத்த அமைச்சர் என்.ஆர்.சி.யால் அறிவிக்கப்பட்ட மற்றும் பரிந்துரைக்கப்பட்ட முடிவுகளை வெளிப்படையாக கேள்வி கேட்கும்போது, என்.ஆர்.சி.யின் அதிகாரமும் செயல்தன்மையும் கேள்விக்குறியாகின்றன.

மேலும் முஹிடின்  தனது சொந்த முகநூல் பக்கம் வழியாக NRC தொடர்பான அறிவிப்புகளை வெளியிட்டு உள்ளார். அதோடு  ஒரு முரண்பாடான திருப்பமாக, 2021 இல் டாக்டர் மகாதீர் முகமட் அவர்களால் தொடங்கப்பட்ட”மஜ்லிஸ் பெமுலிஹான் நெகாரா” (MPN) க்கான பேஸ்புக் பக்கத்தில் அது இணைக்கப்பட்டுள்ளது.

எனவே, மக்களின் ஆரோக்கியம் மற்றும் பாதுகாப்பு அவசியத்தை சமநிலைப்படுத்தும் அதே வேளையில், நமது எல்லைகளை  மீண்டும் திறப்பதற்கான தெளிவான மற்றும் ஒருங்கிணைந்த நடைமுறையை அரசாங்கம் செயல்படுத்த வேண்டும்.

மலேசிய அரசாங்கம் எல்லைகளை மீண்டும் திறக்க நாங்கள் முன்மொழியும் ஆலோசனைகள்:

(1) எல்லைகளை மீண்டும் திறப்பதற்கு வழிவகுக்கும் தெளிவான காலக்கெடு மற்றும் வழி முறைகளை அமைப்பது.

(2) தடுப்பூசி விகிதங்கள் மற்றும் ஒட்டுமொத்த சுகாதாரப் பாதுகாப்பு அடிப்படையில் நாடுகளை வெவ்வேறு ஆபத்து நிலைகளாக வகைப்படுத்துதல். இது சரியாக வரையறுக்கப்பட்ட ஆபத்து மற்றும் சுகாதார அடிப்படையில் ஒவ்வொரு வகை நாடுகளுக்கும் எல்லைகளை மீண்டும் திறக்க குறிப்பிட்ட வழிமுறைகளை மற்றும் காலக்கெடுவை தயார் செய்ய அனுமதிக்கும்.

(3) குறைந்த ஆபத்துள்ள நாடுகளுக்கு தடுப்பூசி போடப்பட்ட பயணப் பாதைகளை (VTL) நிறுவுதல், அந்த நாடுகளில் இருந்து முழுமையாக தடுப்பூசி போடப்பட்ட பயணிகள் எதிர்மறையான PCR சோதனையின் ஆதாரத்தைக் காட்டுவதன் மூலம் (புறப்படுவதற்கு 48 அல்லது 72 மணிநேரங்களுக்கு முன்பு) மற்றும் விரைவான PCR சோதனை.

அதோடு நாம் ஒரு “சோதனை மற்றும் வெளியீட்டு கான்செப்ட்டை” மேற்கொள்ளலாம், அங்கு ஒருமுறை மலேசியாவில் நெகட்டிவ் என்று சோதிக்கப்பட்டால், அவை தனிமைப்படுத்தப்படாமல் விடுவிக்கப்படுகின்றன, ஆனால் MySejahtera ஐ பதிவிறக்கம் செய்து, தேவைப்பட்டால் மேலும் பயனுள்ள தொடர்புத் தடமறிதலுக்காக MyTrace செயல்பாட்டைச் செயல்படுத்த வேண்டும். அவர்கள் தங்கியிருக்கும் மூன்று மற்றும் ஏழு நாட்களில், அவர்கள் RTK சுய-பரிசோதனை கருவிகளைப் பயன்படுத்தி மீண்டும் பரிசோதனை செய்து, அவர்களின் முடிவுகளை MySejahtera க்கு தெரிவிக்க வேண்டும்.

(4) முக கவசம் அணிதல் மற்றும் உடல் ரீதியான தூரம், பொது இடங்களில் நல்ல தனிப்பட்ட சுகாதாரம் மற்றும் நெகிழ்வான பணி ஏற்பாடுகள் போன்ற பிற மருத்துவம் அல்லாத பொது சுகாதார தலையீடுகள் தொடர்வதை உறுதி செய்ய வேண்டும்.

(5) கோவிட்-19 நோயாளிகளுக்கான மருத்துவமனை படுக்கைகளை அதிகப்படுத்துவது மட்டுமல்லாமல், பணிச்சுமையின் சாத்தியமான அதிகரிப்பைக் கையாள பணியாளர்களையும் அதிகரிக்கவும், எல்லை மறு திறப்புகளுக்கு வழிவகுக்கும் சுகாதாரத் திறனை மேம்படுத்துதல்.

ஏற்கனவே நிறுவப்பட்ட நெறிமுறைகள் மற்றும் பரஸ்பர VTL மற்றும் இரு நாடுகளுக்கும் டிஜிட்டல் தடுப்பூசி சான்றிதழ்களின்  அங்கீகாரம் போன்ற செயல்முறைகளின் அடிப்படையில் சிங்கப்பூருடனான எல்லைகளை மீண்டும் திறப்பதற்கான கால அட்டவணையை அறிவிக்குமாறு அரசாங்கத்தை நாங்கள் கேட்டுக்கொள்கிறோம்.

சிங்கப்பூருடனான நமது எல்லைகள் மீண்டும் திறக்கப்படுவதால் ஏற்படும் நேர்மறையான பொருளாதார தாக்கம் சுற்றுலாத் துறைக்கு குறிப்பிடத்தக்கதாக இருக்கும்.

மற்ற நாடுகள் கோவிட்-19 மீட்சியின் ஒரு பரவலான கட்டத்திற்கு நகர்கின்றன என்பது தெளிவாகிறது. ஐரோப்பா, வட அமெரிக்கா, ஆஸ்திரேலியா மற்றும் ஆசியாவின் பிற பகுதிகளில் அதிகமான பயணக் கட்டுப்பாடுகள் நீக்கப்படுகின்றன.

உயர் தடுப்பூசி மற்றும் பூஸ்டர் விகிதங்களுடன், குறிப்பாக முழுமையாக தடுப்பூசி போடப்பட்டு ஊக்கப்படுத்தப்பட்டவர்களிடையே பாதுகாப்பான பயணத்தை மீண்டும் திறப்பதற்கு தெளிவான பாதை இருக்க வேண்டும்.

இது மலேசியாவை இந்த தொற்றுநோயிலிருந்து வலுவாகவும் வேகமாகவும் மீள்வதற்கு அனுமதிக்கும்.