ஓர் ஆய்வாளரின் கூற்றுப்படி, டிஏபி தலைமைக்கும் அடிமட்ட மக்களுக்கும் இடையே அதிக மலாய் தலைவர்கள் கட்சியின் உயர்பதவியில்  இருக்க வேண்டியதன் அவசியத்தில் பெரும் இடைவெளி உள்ளதாம்.

கடந்த ஞாயிற்றுக்கிழமை நடந்த கட்சியின் மத்திய செயற்குழுத் தேர்தல் முடிவில், 10 பேரில் ஒரு மலாய் வேட்பாளர் மட்டுமே தேர்ந்தெடுக்கப்பட்டார், அடிமட்ட மக்கள் தலைவர்கள் இந்த திசையிலான உந்துதலைக் கவனிக்காததே இதற்கு கரணம், என்று அகாடமி நுசந்தரா மூத்த சக ஆராய்ச்சியாளர் அஸ்மி ஹாசன் கூறுகிறார்.

இளம் சைஃபுரா ஓத்மான் 981 வாக்குகளைப் பெற்று நம்பகத்தன்மையுடன் செயல்பட்டாலும், பேராக்கில் டெபிங் டிங்கி சட்டமன்ற உறுப்பினர் அப்துல் அஜிஸ் பாரி மற்றும் பினாங்கின் தஞ்சோங் புங்கா சட்டமன்ற உறுப்பினர் ஜைரில் கிர் ஜோஹாரி போன்ற பல பிரபலமான மலாய் தலைவர்கள் வெற்றிபெறவில்லை என்று அவர் கூறினார்.

தலைவர்கள் கவலைப்பட வேண்டிய விஷயம் இது. ஆமாம் ,மற்ற மலாய் வேட்பாளர்கள் மிகக் குறைவான வாக்குகளைப் பெற்ற போதிலும், சைஃபுரா 981 வாக்குகளைப் பெற்றார், ஆனால் பெண் வேட்பாளர்களுக்கான 30 விழுக்காடு ஒதுக்கீடு அவருக்கு உதவியிருக்கலாம் என்று அவர் கூறினார்.

“கட்சியின் அடிமட்ட மக்கள் மலாய்க்காரர்களுக்கு நட்பாக இருப்பதில்லை என்று சரியாகவோ அல்லது தவறான எண்ணத்தை அளிக்க நேரிடலாம். டிஏபியின் மிக உயர்ந்த முடிவெடுக்கும் அமைப்பில் இரண்டு மலாய் தலைவர்களை அவர்கள் இணைத்துக்கொண்டாலும், துரதிர்ஷ்டவசமாக, இந்த எண்ணம் இன்னும் மோசமாகிவிடும்,” என்று அவர் பத்திரிகையிடம்  கூறினார்.

சியாஹ்ரெட்ஜான் ஜோஹன் கமிட்டி உறுப்பினர் மற்றும் தெங்கு சுல்பூரி ஷா ராஜா பூஜி துணை பொதுச்செயலாளர் இந்த இருவரும் மலாய் தலைவர்களாக தேர்ந்தெடுக்கப்பட்டவர்கள்.

“டிஏபி தொடர்ந்து மலாய்க்காரர்களுக்கு  எதிரான கட்சியாகக் கருதப்படாமல் இருக்க, மற்றும் மலாய்த் தலைவர்களை ஏற்றுக்கொள்ள, அவர்கள் அடிமட்ட மக்களுக்கு பயிற்சி அளிக்க வேண்டும்.”

“டிஏபியின் போட்டியாளர்கள் கட்சியை மலாய் எதிர்ப்பு மற்றும் பேரினவாதமாக சித்தரிப்பதில் ஓரளவு வெற்றி பெற்றுள்ளனர். துரதிர்ஷ்டவசமாக, CEC தேர்தல் முடிவுகளும் இந்த வகையான கருத்தை பரப்பும் விதமாக அமையலாம்,” என்று அவர் கூறினார்.

அரசியலில் இருந்து ஓய்வு பெற்ற கட்சித் தலைவர் லிம் கிட் சியாங் வெளியேறினாலும், லிம் குவான் எங் சக்திவாய்ந்த பொதுச் செயலாளர் பதவியை வகிக்காவிட்டாலும், டிஏபி மலாய்காரர்களுக்கு எதிரான கட்சி என்ற கருத்து தொடரக்கூடும் என்பதை நான் உணர்கிறேன் என்று அவர் கூறினார்.

“உண்மையாக, டிஏபி உருவத்தை மாற்ற கடுமையாக முயற்சித்தாலும், இன உணர்வை எதிர்த்துப் போராடுவது மிகவும் கடினமான பணியாக தான் இருக்கும். தற்போதைய CEC வரிசையில் தேர்ந்தெடுக்கப்பட்ட மலாய்பிரதிநிதிகளின் எண்ணிக்கை குறைவாக இருப்பதால், இது ஒரு மலையேறும்  பணியாக இருக்கும். ”

எவ்வாறாயினும், லோக் சியூ ஃபூக் பொதுச்செயலாளராகத் தேர்ந்தெடுக்கப்பட்டது சில “நல்ல அதிர்வுகளை” அளித்துள்ளது, ஏனெனில் அவர் பொதுவாக மலாய் மக்களை ஏற்றுக்கொள்ளக்கூடியவர் மற்றும் மிதமான தலைவராகத் தோன்றிகிறார்.

“பக்காத்தான் ஹராப்பான் நாட்களில், போக்குவரத்து அமைச்சராக, அவர் கடினமாக உழைத்து, தனது மிதமான பாணியால் மலாய்க்காரர்களிடம் நல்ல விருப்பத்தை பெற்றதை நாம் நினைவுகூரலாம்,” என்று அவர் கூறினார்.

பொதுத்தேர்தல் வெகு தொலைவில் இல்லை என்பதால் மலாய்க்காரர்களை கவர டிஏபிக்கு நேரம் குறைவாக உள்ளது என கூறினார்.

“இப்போதைக்கு இந்த பார்வையை கைவிட்டு, டிஏபி வேட்பாளர்கள் மலாய் மக்களின் ஆதரவைப் பெறுவதற்கு அதன் கூட்டாளிகளான பிகேஆர் மற்றும் அமானா வேலை செய்ய வேண்டும்,” என்று அவர் கூறினார்.

-freemalaysiatoday