ஐந்தாம் படிவ  எஸ்பிஎம் தேர்வில் சிறப்பாகச் செயல்பட்டு தனது படிப்பை மேற்கொள்வதற்கு நிதி உதவி தேவைப்படும் மோட்டார் சைக்கிள் பழுதுபார்ப்பவரின் மகன் வி நவீன்குமார் வயது 18 , அந்த மாணவருக்கு கருணை உள்ளம் கொண்ட மலேசியர்கள் உதவி செய்துள்ளனர்.

எஸ்பிஎம்மில் 8A மதிப்பெண்கள் பெற்றிருந்தாலும், சிறுவனின் உயர்கல்விக்கு தன்னால் நிதியளிக்க முடியாது என்று நவீன்குமாரின் தந்தை ஜி விஜயகுமாரன் கவலைப்பட்டதாக,செய்திதாள்  வெளியிட்டது.

வீட்டிலிருந்து பணிபுரியும் விஜயகுமாரன், தனது மகனுக்கு பல்கலைக்கழகத்தில் நுழைவதற்கும், விண்ணப்பிப்பதற்கு தனது சொந்த மடிக்கணினி மற்றும் வைப்புத்தொகைக்கு பணம் தேவைப்படும் என்று கூறியிருந்தார்.

அப்போதிருந்து, நவீன்குமார் தனது படிப்பைத் தொடருவதை உறுதிசெய்ய நன்கொடைகளுடன் பொதுமக்களிடமிருந்து தனக்கு பல தொலைபேசி அழைப்புகள் வந்தது.

“நாங்கள் பெற்ற பங்களிப்பு போதுமானது. எங்களின் அவல நிலையை எடுத்துரைக்கவும், மலேசியர்களின் கவனத்தை ஈர்க்கவும் உதவிய எஃப்எம்டி பத்திரிக்கைக்கு நான் நன்றி தெரிவிக்க விரும்புகிறேன்”என்று விஜயகுமாரன் கூறினார்.

50 வயதான அவர், அனைத்து பண நன்கொடைகளும் தனது மகனின் உயர் கல்விக்காக செலவிடப்படும் என்று கூறினார். நவீன்குமார் சிவில் இன்ஜினியரிங் பட்டப்படிப்புக்கு செல்வதற்கு முன்பு மெட்ரிகுலேஷன் அல்லது டிப்ளமோ படிப்பிற்குச் செல்லக்கூடும்.

“நவீன்குமார் ஒரு வெற்றிகரமான பொறியியலாளராக வேண்டும் என்ற தனது கனவை அடைய முடியும் என்று நான் நம்புகிறேன், அவர் மற்ற ஏழை மற்றும் தேவைப்படும் குழந்தைகளுக்கு அவர்களின் படிப்பைத் தொடர உதவ முடியும்”.

தனது வீட்டிலிருந்து மோட்டார் சைக்கிள்களை பழுதுபார்ப்பதைத் தொடர்வதாகவும், தனது இரண்டு குழந்தைகளின் வாழ்க்கையில் வெற்றி பெறுவதை உறுதி செய்வேன் என்றும் அவர் கூறினார்.

நவீன்குமாரின் உதவிக்கு வந்தவர்களில் மஇகாவும்   அதில் அடங்கும், இவர்கள் மாணவன் படிப்புக்கு மடிக்கணினியை வழங்கினர்  .

விஜயகுமாரன் மற்றும் தெய்வலெட்சுமி தம்பதியரின் இரண்டாவது குழந்தை நவீன்குமார். இவர்களது மூத்த 20 வயது ஜனனி, SPMல் 8A மதிப்பெண்கள் பெற்று, தற்போது மலேசியா பெர்லிஸ் பல்கலைக்கழகத்தில் இரசாயன பொறியியல் படித்து வருகிறார்.

13 வருடங்கள் தொழிற்சாலையில் மெக்கானிக்காக பணியாற்றிய விஜயகுமாரன் ஒரு விபத்தில் தனது கால்களில் காயமடைந்தார். அதன்பிறகு, வீட்டில் இருந்தே மோட்டார் சைக்கிள்களை பழுது பார்த்து வருகிறார். தெய்வலெட்சுமி பன்டோங்கில் உள்ள தமன் மாஸில் உள்ள அவர்களின் வீட்டிற்கு அருகில் உள்ள தொழிற்சாலையில் வேலை செய்கிறார்.

FMT