2024 ஆம் ஆண்டு முதல், மலாய் மொழி தேர்ச்சி எந்த வகையிலும் பாதிக்கப்படாத நிலையில், மாணவர்கள் மத்தியில் ஆங்கில திறமையை மேம்படுத்த வேண்டும் என்று பிரதமர் அன்வர் இப்ராஹிம் கூறியுள்ளார்.
மடானி அரசின் ஓராண்டு நிர்வாகத்துடன் இணைந்து நேற்று நடந்த நன்றி தெரிவிக்கும் விழாவில், வளர்ந்த நாடுகள் இரட்டை மொழிக்கு முக்கியத்துவம் அளிப்பதால் ஆங்கிலத்தில் தேர்ச்சி பெறுவதற்கான முயற்சிகளை விரைவாகச் செயல்படுத்த வேண்டும் என்றார்.
“கல்வியின் தரத்தைப் பற்றிப் பேசுகையில், மலாய் முக்கிய மொழியாகும். எனவே அனைத்து மாணவர்களும் தேர்ச்சி பெற வேண்டும், ஆனால் ஆங்கில மொழியின் தரத்தையும் தேர்ச்சியையும் மேம்படுத்தப் புதிய முறைகளைச் சிந்திக்க முயற்சிக்க வேண்டும்”.
“எனவே அடுத்த ஆண்டு முதல், மலாய் மொழியின் நிலையைத் தக்கவைத்துக்கொள்வதோடு, ஆங்கில மொழிப் புலமையின் தரத்தையும் மேம்படுத்த வேண்டும்,” என்றார்.
இந்நாட்டில் மாணவர்களிடையே ஆங்கிலப் புலமையை மேம்படுத்த அரசு எடுத்துள்ள முயற்சிகள் சர்ச்சைக்கு உள்ளாகாது என அன்வார் நம்புகிறார்.
“இந்த நாடு அதன் பொருளாதார திறன் மற்றும் முன்னேற்றத்தை அதிகரிக்க விரும்பினால், மலாய் முக்கிய மொழியாக இருக்க வேண்டும் மற்றும் தனியார் மற்றும் சர்வதேச பள்ளிகள் உட்பட அனைத்து மலேசியர்களும் ஆங்கிலத்தில் தேர்ச்சி பெற்றிருக்க வேண்டும்”.
திறமையான தொழிலாளர்கள் அதிகம் தேவை
இதற்கிடையில், இந்த நாட்டில் முதலீடு செய்யும் சர்வதேச நிறுவனங்களின் தேவைகளைப் பூர்த்தி செய்ய இளைஞர்களுக்கான நிபுணத்துவமும் பயிற்சியும் மேம்படுத்தப்பட வேண்டும் என்று அன்வார் கூறினார்.
“எங்கள் தொழில்நுட்ப மற்றும் தொழிற்கல்வி மற்றும் பயிற்சி (TVET) பட்டதாரிகள், பொறியாளர்கள் மற்றும் பிறருக்கு கணிதம், அறிவியல், தொழில்நுட்பம் மற்றும் டிஜிட்டல் ஆகிய துறைகளில் பயிற்சி அளிக்க வேண்டும், இதன் மூலம் அவர்கள் நிறுவனத்தின் தேவைகளைப் பூர்த்தி செய்ய முடியும்”.
