கோலாலம்பூர் பரபரப்பான ஜாலான் சுல்தான் இஸ்மாயிலில் ஒரு பெரிய மரம் 17 வாகனங்கள் மீது சரிந்து விழுந்ததில் காயமடைந்தவர்களில் 72 வயதான ஸ்வீடிஷ் பெண்ணும் அடங்குவார்.

டாங் வாங்கி துணை போலீஸ் தலைவர் நஸ்ரரோன் அப்துல் யூசோப்  ஸ்வீடன் பெண் ஒரு பயணி என்று கூறினார். காரின் 26 வயது ஓட்டுனரும் காயமடைந்துள்ளதாக  தெரிவித்துள்ளது. அவர்கள் சிகிச்சைக்காக கோலாலம்பூர் மருத்துவமனைக்கு கொண்டு செல்லப்பட்டனர்.

இந்த சம்பவத்தில் கார் ஒன்றில் இருந்த 47 வயதுடைய நபர் ஒருவர் உயிரிழந்ததாக முன்னர் தெரிவிக்கப்பட்டது. அவரது உறவினர்களை கண்டுபிடிக்கும் முயற்சியில் போலீசார் ஈடுபட்டுள்ளனர். தீயணைப்பு மற்றும் மீட்புத் துறை, பொது பாதுகாப்புப் படைகள், கோலாலம்பூர் நகர காவல்துறையினரால் மீட்புப் பணிகள் மேற்கொள்ளப்பட்டு வருவதாக நஸ்ரோன் கூறினார். துப்புரவு பணிகள் முடியும் வரை வாகன ஓட்டிகள் மாற்று வழிகளை பயன்படுத்தி தங்கள் இடங்களுக்கு செல்லுமாறு அறிவுறுத்தினார்.

மதியம் 2.19 மணியளவில் பெய்த கனமழையின் போது, கான்கார்ட் ஹோட்டலுக்கு சற்று வெளியே உள்ள ஜாலான் சுல்தான் இஸ்மாயிலில் மரம் முறிந்து விழுந்தது.

கிளைகள் ஒரு பேருந்து நிறுத்தத்தையும் சேதப்படுத்தி மோனோரெயில் பாதையில் விழுந்து, சேவைகளை தற்காலிகமாக பாதித்தது. இதற்கிடையில், அமைச்சர் டாக்டர் ஜாலிஹா முஸ்தபா, இன்று இரவு துப்புரவு பணிகள் முடிவடையும் என்று எதிர்பார்க்கிறார்.

நகரத்தில் உள்ள பெரும்பாலான மரங்கள் 50 முதல் 80 ஆண்டுகள் பழமையானவை என்றும், அவற்றை ஒரு தனியார் நிறுவனம் கவனித்து வருவதாகவும் அவர் கூறினார்.

இதுபோன்ற பேரழிவுகள் மீண்டும் நிகழாமல் இருப்பதை உறுதி செய்ய தற்போதுள்ள நடைமுறைகளைப் ஆய்வு செய்ய வேண்டிய அவசியம் உள்ளது என்றார்.

-fmt