அம்னோ இளைஞர் தலைவர் டாக்டர் அக்மல் சலே தன்னை ஒரு “குறும்புக்கார குழந்தை” என்றும், அம்னோ தலைவர் அஹ்மத் ஜாஹித் ஹமிடியை ஒரு தந்தையைப் போல நேசிக்கிறார் என்றும் வர்ணித்தார்.

கட்சித் தலைவருடன் தான் ஒத்துப்போகவில்லை என்று பலர் கருதுவதாகவும், ஆனால் அது அப்படியல்ல என்றும் அவர் கூறினார்.

“நான் தலைவருட்ன் உடன்படவில்லை என்று பலர் கூறுகிறார்கள், ஆனால் நான் உங்களுக்கு இதைச் சொல்ல விரும்புகிறேன்: மிகவும் குறும்புக்காரக் குழந்தைதான் தன் தந்தையை மற்றவர்களைவிட அதிகமாக நேசிக்கும்.”

“ஏனென்றால், உண்மையல்லாத விஷயங்களால் தனது தந்தை (தலைவர்) ஏமாற்றப்படுவதையும் பயமுறுத்தப்படுவதையும் அவரால் பொறுத்துக்கொள்ள முடியாது.

“பரவாயில்லை, எனக்கு இதில் தனிப்பட்ட விருப்பம் ஏதுமில்லை… (ஆனால்) அம்னோ மீண்டும் எழுச்சி பெற வேண்டும், அது தனக்குரிய சரியான இடத்திற்குத் திரும்ப வேண்டும் – அவ்வளவுதான்,” என்று அம்னோ பொதுப் பேரவையின் நிறைவுரையில் அவர் கூறினார்.

அம்னோ (Umno) பொதுக்குழுவிற்கு முன்னதாக, மெர்லிமாவ் சட்டமன்ற உறுப்பினர் ஜாஹித் உடன் (மேலே, இடது) “ஒரே அணியில் இல்லாதவராகவே” கருதப்பட்டார். இதற்குத் துணைப் பிரதமரின் கடந்த கால நடவடிக்கைகள் – குறிப்பாக அரசாங்கத்தில் கட்சியின் பங்கைப் பாதுகாக்க அவர் எடுத்த முடிவுகள் முக்கியக் காரணமாக அமைந்தன.

பக்காத்தான் ஹரப்பான் கூட்டாளியான டிஏபி உடனான அம்னோவின் ஒத்துழைப்பை அக்மல் தனது இளைஞர் பிரிவுக் கொள்கை உரையின்போது மீண்டும் மீண்டும் விமர்சித்தார், அங்கு அவர் மலாக்கா மாநில நிர்வாகக் கவுன்சிலர் பதவியை ராஜினாமா செய்வதாகவும் அறிவித்தார்.

அரசாங்கத்தில் நீடிக்க வேண்டும் என்ற அம்னோவின் முடிவை ஜாஹிட் தொடர்ந்து ஆதரித்து வந்தார், அதே நேரத்தில் கட்சியின் மற்ற மூத்த தலைவர்களும் பிரதிநிதிகளும் இந்த விஷயத்தை விரிவாகக் கூறினர்.

அம்னோவில் 30 சதவீத பெண்கள் பங்கேற்பு தேவை.

மகளிர் அம்னோ தலைவர் நோரைனி அகமது, தனது நிறைவு உரையில், கட்சித் தலைமைத்துவத்தில் 30 சதவீத பெண்கள் பங்கேற்பின் அவசியத்தை வலியுறுத்தினார்.

இது ஒரு உணர்ச்சிபூர்வமான வேண்டுகோள் அல்லது வெறும் மாநாட்டு சொல்லாட்சி அல்ல, மாறாகப் பெண்களை மேம்படுத்துவதற்கான ஒரு மூலோபாய நடவடிக்கை என்று அவர் கூறினார்.

“இது நமது சொந்தக் கட்சிக்குள்ளேயே தொடங்க வேண்டும்”.

தன் கட்சியின் மேலிடத் தலைமையில் 30 சதவீத பெண்களின் பிரதிநிதித்துவத்தை உறுதி செய்ய வேண்டியதன் அவசியத்தை, மகளிர் அம்னோ தலைவி நோரைனி அகமது தனது நிறைவு உரையில் வலியுறுத்தினார்.