யாழ்ப்பாணத்தில் இன்னும் ஆயிரக்கணக்கான படையினர் நிலைக்கொண்டிருப்பதாக தமிழ்த் தேசியக் கூட்டமைப்பு குறிப்பிட்டுள்ளது
கூட்டமைப்பின் தலைவர் ஆர் சம்பந்தன் ஆங்கில நாளிதழுக்கு வழங்கியுள்ள செவ்வியில் 13 ஆயிரம் படையினரே யாழ்ப்பாணத்தில் இருப்பதாக இலங்கை அரசாங்கம் கூறுகின்ற போதிலும் அங்கு ஒரு லட்சம் வரையில் படையினர் நிலைகொண்டிருப்பதாக குறிப்பிட்டுள்ளார்.
யாழ்ப்பாணத்தில் 15 இராணுவப்பிரிவுகள் உள்ளன. ஆதில் ஒவ்வொரு பிரிவிலும் 10 ஆயிரம் படையினர் வரை உள்ளனர்.
இந்த கணக்கை நாடாளுமன்றத்தில் தாம் கூறியபோது அரசாங்கம் அதனை மறுக்கவில்லை என்றும் சம்பந்தன் சுட்டிக்காட்டியுள்ளார்.
பொதுமக்களின் காணிகள் இன்னமும் படையினர் வசம் உள்ளன.
இந்தநிலையில் சர்வதேசத்துக்கு வழங்கிய உறுதியை இலங்கை அரசாங்கம் நிறைவேற்ற வேண்டும் என்றும் சம்பந்தன் கோரிக்கை விடுத்தார்.
