சுறவகாற்குள” தைப்பூச திருநாளை தமிழர்கள் தமிழர் நெறியோடு முன்னெடுக்க வேண்டும்
மலேசிய நாம் தமிழர் இயக்கம் வேண்டுகோள்
குறிஞ்சி நில மன்னன் தமிழர் இறையோன் முப்பாட்டன் முருகனின் தைப்பூச திருவிழாவை மலேசிய தமிழர்கள் தமது தொன்றுதொட்ட மரபு வழி தங்கள் நேர்த்தி கடனை
தமிழர் நெறியுடன், இறை உணர்வுடன் கொண்டாடி, வளரும் இளைய தலைமுறையினருக்கு சிறந்த அடையாளமாக திகழ வேண்டுமாய் மலேசிய நாம் தமிழர் இயக்கம் கேட்டுக் கொள்கின்றது.
தமிழ் கடவுளான முருகனுக்கு கொண்டாடப்படும் இத்தைப்பூச திருநாளில் நேர்த்தி கடன் செய்யும் பக்தர்கள், முருகனுக்கே உரிய தமிழர் நெறியுடன் காவடிகளை மட்டும் எடுப்பது சிறப்பாகும்.
மற்றும் சாமி என்ற பெயரில் மது புகை போன்ற நடவடிக்கைகளை தவிர்த்து நமது கடவுளின் புனிதத்தை காக்க வேண்டும்.
தைப்பூசம் மற்றும்மின்றி எந்தவொரு பண்பாட்டு விழாவிற்காக வழிபாட்டு தளங்களுக்கு செல்லும் ஆண் பெண் இரு பாலரும் தமது பண்பாட்டு கலாச்சாரம் காக்கும் வண்ணம் தமிழர் நெறியுடன் உடையணிந்து வருவது அவசியமானது.
நமது பண்பாட்டு புரட்சியுடன் ஒழுக்கமாக உடையணிந்து வந்தால் எந்தவித அச்சுறுத்தலுக்கும் (பெண்கள்) பயப்படத் தேவையில்லை.
நமகென்று மரபு, மாண்பு, வழி, வாழ்வியல் என அனைத்தும் பிற இனத்தவர்களை விட சிறப்புமிக்க வரலாற்று நெறிமுறைகள் இருக்க,
அதை சிறுமைப் படுத்தாத வண்ணம் நமது தமிழ் பெண்கள் ஆபாசமின்றி தங்கள் உடையில் ஒழுக்கத்தை கடைப்பிடிக்க வேண்டும்.
நமது இளைஞர்கள் சிலர் மது மற்றும் போதைப் பொருள் உட்கொண்டு வழிபாட்டு தளங்களுக்கு வருவதும், மது போத்தல்களை கையில் கொண்டு காலணிகளை அணிந்து காவடிகளுக்கு முன் கூத்தாடுவதும், தயவுசெய்து தவிர்த்து விடுங்கள்.
இத்தகைய செயல்கள் ஒட்டுமொத்த தமிழர் இனத்தையே அவமதிக்கும்.
நமது கடவுள்களை நாமே மதிக்காது நடப்பதினால் தான் மாற்று இனங்கள் நமது கடவுள்களிடம் பயம் இல்லாது சிற்பங்களை உடைப்பது, (சைத்தான்) என இழிவுபடுத்துவது போன்ற செயல்கள் அரங்கேறி வருகிறது என்பதை நாம் முதலில் உணர வேண்டும்.
நமது பாரம்பரிய பெருவிழாக்களில் தான் தங்களது குண்டர் கும்பலின் பகைகளை தீர்த்து கொள்ளும் கலாச்சாரத்தை கை விட்டு,
நல்ல முறையில் வழிபாட்டு நெறியில் மானத் தமிழ்ப் பிள்ளையாய் நடந்து கொள்ள வேண்டும்.
சண்டை சச்சரவு இல்லாத, பண்பாட்டு சீரழிவு நடக்காத, பிற இனங்கள் பழிக்காத, குற்றச் செயல்கள் நிகழாத, தமிழினத்தின் மானம் குறையாத, தமிழருக்கே வியாபாரம் எனும் கூற்று மாறாத
இத்தைப்பூச திருநாளை மலேசிய தமிழர்கள் தமிழர் தொன்மையுடன், பண்பாட்டு நெறியுடன், இறைபக்தியுடன் முன்னெடுக்க வேண்டுமாய் அன்புடனும், பணிவுடனும், உரிமையுடனும்
மலேசிய நாம் தமிழர் இயக்கம் வேண்டுகோள் விடுக்கிறது.
பண்பாட்டு புரட்சி இல்லாது பண்பாட்டு மீழ்ச்சி நிகழாது
உலக தமிழர்கள் அனைவரும் தமகே உரிய முறையில் உயர்ந்த நெறியில் இந்த தைப்பூச சுறவகாற்குள பெருவிழாவை நேர்த்தியுடனும் பக்தியுடனும் கொண்டாட வேண்டுமாய் மலேசிய நாம் தமிழர் இயக்கம் கேட்டுக் கொள்கிறது.
NAAM TAMILAR MALAYSIA. BALAMURUGAN
ADVISE ALL TAMIL DEVOTEES TO CELEBRATE THAIPUSAM IN TAMIL MANNER
செவ்வாய்க் கிழமை இரவில் வழக்கமாக நடக்கும் கூத்தைக் காண மகிழுந்தில் பயனித்தேன். மறுநாள் இரவு கிரகண நேரமென்பதால் கோயில் நடை அடைக்கப்படுமென்று முன் அறிக்கை விட்டுவிட்டப்படியால் முதல் நாள் இரவே மின்சார வண்ண விளக்குக் காவடிகள் பெருமளவில் எடுக்க ஆரம்பித்து விட்டனர் பக்த கோடிகள். அவர்கள் முன் ஆடும் ஆடவர் கூட்டத்தில் 50 ஆண்டுகளுக்கு முன்பு பார்த்த அதே கோலாகலம்தான். கொஞ்சமும் மாற்றமில்லை. அந்த நாள் ஞாபகம் வந்தது.
தமிழர் மாறமாட்டார் என்ற எண்ணத்துடன் போன வழியிலேயே மகிழுந்தில் திரும்பி வந்து விட்டேன்.
வரும் வழியில் சிந்தித்துப் பார்த்தேன். வண்ண விளக்குக் காவடிகளுக்கு இவ்வளவு செலவு செய்து முருகர் காவடி எடுக்கச் சொன்னாரா? கிரகண நேரத்தில் கோயிலை அடைக்கச் சொன்ன முருகருக்கு, தமிழா! என் பெயரைச் சொல்லி பணத்தை செலவு செய்யாதேயென்று நல்வாக்கு சொல்ல மறந்து விட்டதை எண்ணி வியந்தேன்!
மலேசிய நாம் தமிழர் இயக்கம் ஏற்பாட்டில் இடைநிலைப் பள்ளி தமிழ் மாணவர்களுக்கு ‘தமிழர் வரலாறு’ வகுப்பு
பேராக், சுங்கை சிப்புட் வட்டாரத்தில் இருக்கும் டத்தோ அசித் அப்துல் வகாப் இடைநிலை பள்ளி தமிழ் மாணவர்களுக்கு தனது சொந்த இன, மொழி, வரலாறு, வாழ்வில் குமரிக் கண்ட தொன்மையை விளக்க மாதாந்திர தமிழர் வரலாறு வகுப்பு மலேசிய நாம் தமிழர் இயக்கம் நடத்தி வருகிறது
உலகத்தின் மூத்த மொழி தமிழ்..!
உலகத்தின் மூத்த மாந்தன் தமிழன்..!
உலகத்தில் அதிக நிலப்பரப்பை ஆண்டவன் தமிழன்..!
உலகின் முதல் கப்பல் படையை நிறுவி, கடலில் படை நடத்தியவன் தமிழன்..!
இமயம் முதல் குமரி வரை, கங்கை தொடக்கம் கடாரம் வரை எட்டுத்திக்கிலும் வெற்றிக் கொடியை பறக்க விட்டவன் தமிழன்..!
இப்படி பரந்து விரிந்து கிடக்கிற இந்த பூமிப்பந்தில் சுமார் 50,000 ஆண்டுகள் மூத்த வரலாற்றுப் பெருமைக் கொண்ட தமிழ் தேசிய இனம், நமது தமிழர் இனம்.
ஆனால் இன்று நாம்
தனது சொந்த இன மொழி வரலாறு அறியாதவரகளாக பலர் பழிக்கும் வண்ணம் அடையாளம் இழந்தவர்களாக வாழ்ந்து வருகிறோம்.
அத்துடன் நமது வரலாறு திட்டமிட்டு அன்னியர்களால் மறுக்கப்பட்டு, மறைக்கப்பட்டு
முகவரியற்றவர்களான சூழ்நிலை நமக்கு ஏற்பட்டு விட்டது .
நமது இனத்தின் சிறப்பு, கொடை, அறம், பண்பாடு, கலாச்சாரம் மற்றும் நம் முன்னோர்களின் ஆட்சி முறை, ஒழுக்கம், தியாகம், திறன், வீரம், வெற்றி இவையெல்லாம் பயிற்றுவித்து, தன் சொந்த வரலாற்றை அறிந்து தமிழ் மொழி, தமிழர் இன அடையாளத்துடன் வாழ, இந்த தலைமுறை பிள்ளைகளுக்கு வரலாற்றை போதிக்கிற அரும்பெரும் பணியில் மலேசிய நாம் தமிழர் இயக்கம் இறங்கியுள்ளது.
எதிர்வரும் 11.02.2018-ம் நாள் காலை 8.30க்கு மணிக்கு வகாப் இடைநிலை பள்ளியில் மாதாந்திர தமிழர் வரலாறு வகுப்பை நாட்டின் முதன்மை தமிழ் ஆய்வு பேரறிஞர் ஐயா தமிழ்த்திரு இர. திருச்செல்வனார் அவர்கள் வழிநடத்தவது குறிப்பிடத்தக்கது.
திட்டமிட்டு மறைக்கப்பட்ட நம் வரலாற்றை கட்ட கட்டமாக உலகுக்கு பரப்புவோம்.
வரலாற்றை மறந்த எந்த இனமும் வாழ்ந்ததாக வரலாறு கிடையாது
வரலாற்றை அறிந்த எந்த இனமும் வீழ்ந்ததாக வரலாறு கிடையாது
தொடர்புக்கு 0143099379
தங்கள் குழுமத்தின் சேவையை மதிக்கிறோம் உழவரே.