சபா முதல்வரின் நிலை அம்னோவின் கைகளில் இருந்து நழுவியதால்  ஏற்கனவே அதிருப்தி அடைந்த சில எம்.பி.க்கள் விளிம்பிற்கு தள்ளப்பட்டுள்ளனர்.

இது புத்ராஜெயாவைக் கைப்பற்றுவதற்கான முயற்சியில் உள்ள பி.கே.ஆர் தலைவர் அன்வர் இப்ராஹிமிக்கு உதவக்கூடும்.

சபா தேர்தலுக்கு முன்பே, சில அம்னோ எம்.பி.க்கள் ஏற்கனவே அன்வாரை நோக்கி ஓடுவதை அம்னோ தலைமை உறுதிப்படுத்தியது.

அன்வர், செப்டம்பர் 23 அன்று, புதிய அரசாங்கத்தை அமைப்பதற்காக டேவான் ராக்யாட்டின் பெரும்பான்மையைப் பெற்றதாகக் கூறினார், சில மணி நேரத்தில், அம்னோ தலைவர் அஹ்மத் ஜாஹித் ஹமிடி பல அம்னோ எம்.பி.க்கள் அன்வருக்கு ஆதரவளிப்பதை உறுதிப்படுத்தினார்.

இப்போது, ​​சபா பெர்சாட்டு தலைவர் ஹாஜிஜி நூர் புதிய சபா முதல்வராக அறிவிக்கப்படுவதால் அந்த அதிருப்தி வளர வாய்புள்ளது.

அம்னோ மற்றும் பி.என் அவர்களின் அரசியலை பெர்சாட்டுக்கு ஒப்படைப்பது “மிகவும் விலை உயர்ந்தது” என்று ஜாஹித் கூறியிருந்தார்.

தேசிய கூட்டணி (பி.என்), பாரிசான் நேசனல் மற்றும் பார்ட்டி பெர்சத்து சபா (பிபிஎஸ்) ஆகியவற்றின் ஒத்துழைப்பை உள்ளடக்கிய சபா மக்கள் கூட்டணி (ஜிஆர்எஸ்)/Gabungan Rakyat Sabah (GRS) கடந்த சனிக்கிழமை நடந்த சபா தேர்தலில் போட்டியிட்ட 73 மாநில இடங்களில் 38 இடங்களில் வெற்றி பெற்றது.

இந்த கட்சிகள், எஸ்ஏபிபி தவிர, பிஎன் கூட்டாட்சி அரசாங்கத்தின் ஒரு பகுதியாகும், ஆனால் மாநில அளவில், ஜிஆர்எஸ்ஸின் மூன்று கூறுகளில் பிஎன் ஒன்றாகும்.

சபா தேர்தலில் அம்னோ வென்ற 14 மாநில இடங்கள் ஜி.ஆர்.எஸ் அதிகம் பெற்றிருந்தாலும், அதன் பி.என் கூட்டாளிகளான MCA மற்றும் PBRS எதையும் வழங்கத் தவறிவிட்டன.

ஒரு கூட்டணியாக, பி.என்-க்கு மாநில இடங்கள் 17 உள்ளன, பெர்சட்டுவிலிருந்து 11 மற்றும் ஸ்டாரிலிருந்து ஆறு இடங்கள் உள்ளன. PBS  ஏழு வென்றபோது SAPP எதுவும் வெல்லவில்லை.

GRS ஒரு ஐக்கிய முன்னணியை முன்வைக்க முயன்றது, அதன் பின்னணியில்  ஹாஜிஜி ஏகமனதான ஆதரவு இருப்பதாக அறிவித்தார். முதல்வர் பதவியை கைவிட அம்னோவின் புங் அழுத்தம் கொடுத்தார், ஆனால், சபா அம்னோ ஆதரவு போதவில்லை.

அன்வாரின் நன்மைக்காக செயல்படும் ஷாஃபி அப்தால் சபாவைத் தக்கவைக்கத் தவறியதால் அவரது செல்வாகை ஓரளவு இழந்துவிட்டார்.

அன்வர், நீண்ட காலமாக, சரவாக் பாராளுமன்ற உறுப்பினர்களின் ஆதரவைத் திரட்ட போராடினார், குறிப்பாக கபுங்கன் பார்ட்டி சரவாக் (ஜி.பி.எஸ்), மற்றும் இப்போது அம்னோவிலிருந்து எம்.பி.க்களை அணுகுவதன் மூலம் மற்றொரு திசையில் அழைத்துச் செல்லப்படுகிறார்.

DAP தனது ஆச்சரியத்தை வெளிப்படுத்தியதோடு, அன்வர், ஜாஹித் அல்லது முன்னாள் பிரதமர் நஜிப் அப்துல் ரசாக் ஆகியோருடன்  வழிநடத்தினால் தாங்கள் இணைந்து செயல்பட முடியாது என்று வலியுறுத்தினார், அவர்கள் இருவரும் ஊழல் குற்றச்சாட்டுகளை எதிர்கொண்டுள்ளனர் என்கிறார்.

சில குற்றச்சாட்டுகளில் நஜிப் ஏற்கனவே குற்றவாளி என நிரூபிக்கப்பட்டார். அவருக்கு ஜூலை 28 அன்று 12 ஆண்டுகள் சிறைத்தண்டனையும், RM210 மில்லியன் அபராதமும் விதிக்கப்பட்டது. அவர் தற்போது ஜாமீனில் நிலுவையில் உள்ளார்.

தற்போது, ​​பக்காத்தான் ஹரப்பனுக்கு திவான் ராக்யாட்டில் 91 எம்.பி.க்கள் உள்ளனர், மேலும் பெரும்பான்மைக்கு 21 பேர் தேவை.

அவரை ஆதரிக்கும் எம்.பி.க்கள் யார் என்று அன்வர் வெளியிடவில்லை, முதலில் அவர்களை யாங் டி-பெர்டுவான் அகோங்கிற்கு தெரியப்படுத்த வேண்டும் என்று மட்டும் வலியுறுத்தியுள்ளார்.

அகோங் மருத்துவ சிகிச்சையில் உள்ளார், இன்னும் அவர் குணம் அடையவில்லை என்று அறிவிக்கப்பட்டுள்ளது.

ஐந்து எம்.பி.க்களைக் கொண்ட முன்னாள் பிரதமர் டாக்டர் மகாதீர் மொஹமட் தலைமையிலான இன்னும் பதிவு செய்யப்படாத Parti Pejuang Tanah Air (Pejuang)அவர்கள் அன்வாரை ஆதரிக்க மாட்டார்கள் என்று சுட்டிக்காட்டியுள்ளது.

வாரிசனின் எம்.பி.க்கள் முஹைதீனை தக்க வைக்க முடியும்.

சபா தேர்தல் வரை, 10 எம்.பி.க்களைக் கொண்ட வாரீசன் மற்றும் உப்கோவும் மூன்றாவது தொகுதியில் பெஜுவாங்குடன் இணைந்துள்ளனர்.

சபாவில் வாரிசன் மீண்டும் ஆட்சிக்கு வருவதற்கு வசதி செய்தால், அன்வர் அல்லது முஹைதீன் ஆகியோரை ஷாஃபி ஆதரிக்கக்கூடும்.

அன்வருக்குக்காக சில அம்னோ எம்.பி.க்கள் வெளியேறும் அச்சுறுத்தலை எதிர்கொண்ட பிரதமர் முஹைதீன் யாசின், வாரிசன் மற்றும் உப்கோ ஆகியோருக்கு கதவைத் திறந்து வைத்திருப்பது விவேகமானதாக இருக்கிறது. அதன் 10 எம்.பி.க்கள் பல மாற்றங்களை  செய்ய முடியும்.

தற்போது, ​​திவான் ராக்யாட்டில் 222 எம்.பி.க்களில் 113 பேரின் ஆதரவை மட்டுமே முஹைதீன் பெற்றுள்ளார். இரண்டு எம்.பி.க்கள் குறைபாடு ஏற்பட்டால் அவர் தனது பெரும்பான்மையை எளிதில் இழக்க நேரிடும்.

அன்வருக்கு உண்மையிலேயே எண்கள் இருக்கிறதா என்பது யாங் டி-பெர்டுவான் அகோங்குடனான சந்திப்புக்கு பின்னரே அறியப்படும்.

இதற்கிடையில், சபாவில் வாரிசனின் நிலைப்பாடு அடுத்த வாரங்களில் மத்திய அரசாங்கத்தின் வடிவத்தை பாதிக்கும்.

இப்பொழுது ஹாஜிஜி முதலமைச்சர். இது அன்வாருக்கு தலைவலியாகும். ஷாஃபி அப்தால் மீண்டும் ஒரு சதுரங்க போட்டியை ஆரம்பிப்பார் எனத்தெரிகிறது.