இணையவழிக் குற்றங்கள் பற்றிய அறிக்கைகள் கடுமையாக உயர்ந்ததைத் தொடர்ந்து சைபர் பாதுகாப்பு என்பது மலேசியாவின் முக்கிய கவலைகளில் ஒன்றாக உள்ளது என்று உள்துறை அமைச்சர் ஹம்சா ஜைனுடின் தெரிவித்துள்ளார்.

இணையத்தை பயன்படுத்தி மிரட்டுதல்.துன்புறுத்துதல், மோசடி, ஊடுருவல், தனி நபர் தாள்வாழ்களை திருடுதல் மற்றும் மின்னஞ்சல் மோசடிகளுடன் தொடர்புடைய வழக்குகளின் எண்ணிக்கை கிட்டத்தட்ட இரு மடங்காக அதிகரித்துள்ளது என்று அவர் கூறினார்.

2019 ஆம் ஆண்டில், சுமார் 13,000 சைபர் கிரைம் வழக்குகள் பதிவாகியுள்ளன, இதில் மொத்த இழப்பு ரிம539 மில்லியன். 2020ல் இந்த எண்ணிக்கை 17,000 வழக்குகளாக உயர்ந்தது. கடந்த ஆண்டு, வழக்குகளின் எண்ணிக்கை 20,000க்கும் அதிகமாக அதிகரித்தது, மொத்த இழப்பு ரிம560 மில்லியன் உயர்ந்துள்ளது.

இந்த ஆண்டு பிப்ரவரி வரை, 3,273 வழக்குகள் ரிம114 மில்லியன் இழப்புகள் பதிவாகியுள்ளன.

“தற்போதைய மற்றும் வளர்ந்து வரும் அச்சுறுத்தல்கள் பல புதிய தொழில்நுட்பங்களை உள்ளடக்கியது, இது ஒரு தசாப்தத்திற்கு முன்பு நாம் கேள்விப்படாத ஒன்றாகும். அதே நேரத்தில், இன்றைய தேசிய பாதுகாப்பு முறைகள் முன்பை விட வேகமாக மாறியுள்ளது.

கோலாலம்பூர் மாநாட்டு மையத்தில் நடந்த பாதுகாப்பு சேவைகள் ஆசியா மற்றும் தேசிய பாதுகாப்பு ஆசியா கண்காட்சிகளை துவக்கி வைத்து பேசிய அவர், “இந்த மாற்றங்களை தொடர்ந்து கடைப்பிடிப்பது நமது நாட்டின் மிகப்பெரிய பாதுகாப்பு சவால்களில் ஒன்றாகும்.

பாதுகாப்பு அமைச்சர் ஹிஷாமுடின் ஹுசைன் கூறுகையில், ஆசியா தற்போது வரலாற்றில் எந்த காலகட்டத்திலும் இல்லாத வகையில் மிகவும் மாறுபட்ட தீவிர அச்சுறுத்தல்களை எதிர் கொண்டுள்ளது என்றார்.

“பாரம்பரிய மற்றும் பாரம்பரியமற்ற அச்சுறுத்தல்கள், பல்வேறு அளவுகள் மற்றும் வடிவங்களில் உள்ள அச்சுறுத்தல்கள் மற்றும் பேரழிவு ஆபத்துக்கள் அதிகரிக்கும் முன் திறம்பட தீர்க்கப்பட வேண்டும்,” என்று அவர் கூறியுள்ளார்.

-freemlaysiatoday